நீங்க ‘சந்தானம்’ மாதிரி பேசுவீங்களா... அப்படீன்னா.. 'அவுகளுக்கு' ரொம்பப் பிடிக்குமாம்...!
லண்டன்: தலைப்பைப் பார்த்து விட்டு, காமெடி நடிகர் சந்தானம் மாதிரி இழுத்து, இழுத்து பேசினால் பெண்களுக்குப் பிடிக்கும் எனத் தவறாக நினைத்துக் கொள்ளாதீர்கள்.
பொதுவாக, நகைச்சுவையாக பேசுகிற ஆண்களைக் கண்டால் பெண்களுக்கு ரொம்ப இஷ்டமாம்.
இது குறித்து ஆராய்ச்சி முடிவு ஒன்றை வெளியிட்டிருக்கிறது, ஸ்டேன்ஃபோர்ட் ஸ்கூல் ஆப் மெடிசின்.
பல்பு எரியும்...
நகைச்சுவையாக பேசும் ஆண்களைக் கண்டால், பெண்களின் தலைக்குள் ‘பல்பு'எரிய ஆரம்பித்து விடுமாம்.
ஆரோக்கியசாலி...
நம்மை எப்போதும் சிரிக்க வைத்துக் கொண்டிருக்கும் ஆண் நிச்சயமாக நல்ல ஆரோக்கியத்தோடு இருப்பவன் என நம்புகிறார்களாம் பெண்கள்.
நல்ல ஆண்மகன்...
நகைச்சுவை உணர்வு அதிகம் உடைய ஆண்கள் சிறந்த கணவனாக, நல்ல தகப்பனாக இருப்பான் எனப்து பெண்களின் கருத்துக் கணிப்பாம்.
குழந்தைகளை வைத்து ஆய்வு...
இந்த ஆய்வு, 6 முதல் 13 வயது வரை உள்ள ஆண் மற்றும் பெண் குழந்தைகளின் மனோநிலையை ஆய்வு செய்ததன் மூலம் கண்டறியப்பட்டதாம்.
அதிக செயல்பாடு...
ஆய்வுக்கு முன்னதாக அவர்களுக்கு நகைச்சுவை படங்கள் போட்டிக் காண்பிக்கப்பட்டதாம். பின்னர் ஆய்வு மேற்கொண்டதில் பெண் குழந்தைகளின் மூளை, சிறுவர்களின் மூளைச் செயல்பாட்டை விட அதிகமாக இருந்தது தெரிய வந்ததாம்.
புத்துணர்ச்சியின் ரகசியம்...
ஆய்வின் முடிவில், எப்போதும் நகைச்சுவை உணர்வோடு இருக்கும் ஆண்களைக் கண்டால், பெண்கள் அதிஅக் புத்துணர்ச்சியோடு பணி புரிவது தெரிய வந்துள்ளதாம்.