மஸ்கட்டில் ‘மாதம் ஒரு சங்கமம்’ ஆண்டு விழா: பேஷன் ஷோ, இன்னிசை, குரூப் கேம்ஸ்
மஸ்கட்: மாதம் ஒரு சங்கமம் அமைப்பின் 8வது ஆண்டு விழா மஸ்கட்டில் உள்ள கோல்டன் ஒயாசிஸ் ஹோட்டலில் நடைபெற்றது.
‘மாதம் ஒரு சங்கமம்' (MOS) தமிழர் அமைப்பின் 8வது ஆண்டு விழாவான ‘முரசு கொட்டும் எட்டு' நிகழ்ச்சி கோல்டன் ஒயாசிஸ் ஹோட்டல்
கலையரங்கில் நடைபெற்றது. தலைவர் திரு. ராதாகிருஷ்ணன் அவர்கள் விழாத் தலைமையுரை ஆற்றினார். ‘ராக சங்கமம்' அமைப்பின் சார்பில் இன்னிசை நிகழ்ச்சி நடைபெற்றது.
மஸ்கட் மு.பஷீர் அவர்களின் கவிதை நூலான ‘பாலைப் பூக்கள்' நூல் வெளியிடப்பட்டது.
நூல் வெளியீடு
பாலைப் பூக்கள் நூலை திரு.எஸ்.கே.ராவ் அவர்கள் வெளியிட தமிழ்ச் சங்கத்தின் தலைவர் திரு.ஜானகிராமன் பெற்றுக் கொண்டார். நூல் பின்னூட்டம் நிகழ்ச்சியில் திருமதி. சுவர்ணா சபரிக்குமார் மற்றும் திரு.ஷண்முக சுந்தரம் ஆகியோர் பின்னூட்டம் வழங்கினர்.
குட்டீஸ் பேஷன் ஷோ
‘கூல் கிரேக்கர்ஸ்' அமைப்பின் சார்பில் குழந்தைகள் பங்கேகேற்ற பேஷன் ஷோ நிகழ்ச்சி நடைபெற்றது.
குரூப் கேம்ஸ்
சிறப்பு கேள்வி பதில் நிகழ்ச்சியும், டான்ஸ் மானியா நடன நிகழ்ச்சியும், கதா காலட்சேபம் நிகழ்ச்சியும் நடைபெற்றன. குடும்ப விளையாட்டு நிகழ்ச்சி மற்றும் குரூப் கேம் நிகழ்ச்சிகளும் நடைபெற்றன.