For Quick Alerts
For Daily Alerts
Just In
நினைவென்னும் நெருஞ்சி முள்
தந்தை கைபிடித்து
பள்ளி சென்ற நாளில்,
ஐந்து பலூனுக்கு அழுது,
ஒன்று கிடைத்தபோது ...
பக்கத்து வீட்டு பையனைப்போல்
பென்சில் டப்பா கேட்டு,
வேறொன்று கிடைத்தபோது ...
டிவியில் பார்த்த சைக்கிள்
கிடைக்காது, தாத்தா
சைக்கிள் ஓட்டியபோது ...
"டின்" கோக் குடிக்க
ஆசைப்பட்டு, பணம் பத்தாமல்
"நன்னாரி" சர்பத் குடித்தபோது ...
பால்கனிக்கு டிக்கெட்
எடுக்கும் நேரத்தில்
இன்னொருவன் வந்ததால்
செகண்ட் கிளாசில் படம் பார்த்தபோது ...
நினைத்திருக்கிறேன்,
"என் கை நிறைய
பணம் இருந்தால் ... "
இன்றோ,
இயந்திரத்தின் வாயில்
"அட்டையை" ஊட்டினால்
ஆயிரமாயிரமாய் துப்பும்
பணத்தை ...
திஆனாலும் கிடைக்கவில்லை,
அந்த ஒற்றை பலூனும்,
ஓட்டை சைக்கிளும்,
நன்னாரி சர்பத்தும்,
செகண்ட் கிளாஸ் சினிமாவும்
கொடுத்த சந்தோஷம்..
Comments
Story first published: Thursday, February 2, 2006, 16:50 [IST]