For Daily Alerts
Just In
வெட்டவெளி-ரிஷி சேது
எனக்கு அடர்ந்த
காடுகளை விட
வெட்டவெளியே பிரியம்
அங்கே நான் தொலைந்துபோகவும்
என்னை புள்ளியாய்
மாற்றிக்கொள்ளவும்
சத்தமிட்டு கத்தவும்
சாத்தியப்படா இன்னும்
எதுவெல்லாமோ செய்யவும் முடியும்
பூமிப் பந்தை
வானவில்லின் நுனியில்
கட்டி தூக்கிடவும்
கடலின் நீள் பேரலைகளில்
நட்சத்திரங்களையும்
நிலவையும்
கொட்டி ரசிக்கவும்
பார்வைகளின்
எல்லைகளில் நீளமும் அகலமுமாய்
தெரியும் பூமியை
புரட்டி பார்க்கவும்
வானம் தொடத்துடிக்கும்
மாமலைகளின்
தயிைல் செல்லமாய்
குட்டி உள் அழுத்தவும்
எலும்பை ஊடுறுவும்
காற்றை சற்று நேரம்
கைக்குள்
கட்டி வைக்கவும்
வானத்திலலையும்
மேகங்களின் பஞ்சுப்
பொதிக்குள்
போனகாலத்தின் பின்னாலும்
வருங்காலத்தின் முன்னாலும்
போய்த்திரும்பும்
மனதை கொஞ்சம்
ஈரமாய் ஒளித்து வைக்கவும்
இன்னும் என்னவெல்லாமோ
செய்யமுடியுமாதலால்
எனக்கு
அடர்ந்த காட்டை விட
வெட்டவெளியே பிரியம்..
Comments
Story first published: Monday, February 5, 2007, 16:50 [IST]