அன்பு சூழ் உலகு

வண்டுகள் மலர்களை கொண்டாடுகின்றன

நிழல் வைத்து காத்திருக்கிறது மரம்

பறவைகளின் கவியரங்கில் கைத்தட்டுகின்றன இலைகள்

தன் குஞ்சுகளை சுற்றியே வட்டமடிக்கிறது கோழி

விடியலை ஆவலுடன் கூவி அழைக்கிறது குயில்

பழங்களை அடைகாத்து தருகிறது புளியமரம்

தடவிக்கொடுக்கும் அன்பில்
தன் கொம்புகளை மடக்கிக்கொள்கிறது மாடு

மின்மினிக்குள்ளும் அத்தனை வெளிச்சங்கள்

மீன் குஞ்சுகள் முத்தமிட்டுக்கொள்ளும் பேரன்பை
அழகாக படம்பிடிக்கிறது நீர்குமிழி

அன்பு சூழ் உலகில் நீ என்னவாக இருக்கிறாய் ?

- கவிஞர் பாரி கபிலன்

English summary

The Poet feel of love. The beetles celebrate the flowers,The tree waiting for the shade,Leaves clap on the cover of birds