• search
For Quick Alerts
ALLOW NOTIFICATIONS  
For Daily Alerts
Just In

உலக அளவில் கொரோனா பரவல் தீவிரம்... ஒரே நாளில் 6,27,952 பேர் பாதிப்பு

Google Oneindia Tamil News

மும்பை: உலகம் முழுவதும் கொரோனாவால் கடந்த 24 மணி நேரத்தில் 6,27,952 பேர் பாதிக்கப்பட்டுள்ளனர். இதுவரை கொரோனாவால் பாதிக்கப்பட்டோரின் மொத்த எண்ணிக்கை 51,20,73,140 பேராக உயர்ந்துள்ளது. கொரோனா தொற்றில் இருந்து உலகம் முழுவதும் 46,58,29,487 பேர் மீண்டுள்ளனர். உலகம் முழுவதும் 62,55,889 பேர் கொரோனாவால் மரணமடைந்துள்ளனர்.

சீனாவின் வூகான் நகரில் 2019 ஆம் ஆண்டு கொரோனா வைரஸ் கண்டுபிடிக்கப்பட்டது. தற்போது கொரோனா வைரஸ் 221 நாடுகள் பிரதேசங்களுக்கு பரவி பெரும் பாதிப்பை ஏற்படுத்தி வருகிறது. கொரோனாவை கட்டுப்படுத்த தடுப்பூசி செலுத்தும் பணிகள் தீவிரமாக நடைபெற்று வரும் நிலையிலும் வைரஸ் உருமாற்றமடைந்து பாதிப்பு அதிகரித்து வருகிறது.

Corona affects Single day 6,27,952 people worldwide - 8,35,099 recovered

கடந்த ஆண்டுகளில் கொரோனா டெல்டா, டெல்டா ப்ளஸ் அதிக அளவில் மக்களின் உயிரை காவு வாங்கியது. ஓமிக்ரான் வைரஸ் பரவல் வேகம் அதிகமாக இருந்தாலும் அதிக அளவில் உயிர் பலி ஏற்படவில்லை. தற்போது XE என்ற புதிய வகைக் கொரோனா பரவி வருகிறது.

சீனாவில் கடந்த பிப்ரவரி மாதம் கொரோனா பாதிப்பு தொடங்கியதிலிருந்து ஷாங்காய் நகரம் மிக மோசமாகப் பாதிக்கப்பட்டு வருகிறது. மார்ச் மாதத்திலிருந்து இங்கு லாக்டவுன் பிறப்பிக்கப்பட்டுள்ளது. இதனால் 2.50 கோடி மக்கள் வீடுகளை விட்டு வெளியேற முடியாமல், உணவு, மருத்துவ உதவி, அடிப்படைவசதிகளுக்கு கூட மிகவும் சிரமப்படுகிறார்கள்.

ஷாங்காய் நகரில் உள்ள ஒவ்வொருவரும் கண்டிப்பாக கொரோனா பரிசோதனை செய்வதற்காக ஆயிரக்கணக்கான ராணுவ வீரர்களை சீன அரசு களமிறக்கியுள்ளது. லாக்டவுனிலும், கட்டாய கொரோனா பரிசோதனையிலும் மக்கள் சிக்கியிருப்பதால், அத்தியாவசியப் பொருட்களை வாங்கக்கூட வெளியே செல்ல முடியாமல் தவிக்கிறார்கள்.

உலக அளவில் கொரோனா தீவிரம்... ஒரே நாளில் 6,31,550 பேர் பாதிப்பு - 41,971 பேர் தீவிர சிகிச்சை உலக அளவில் கொரோனா தீவிரம்... ஒரே நாளில் 6,31,550 பேர் பாதிப்பு - 41,971 பேர் தீவிர சிகிச்சை

உலகம் முழுவதும் ஒரே நாளில் 6,27,952 பேருக்கு கொரோனா தொற்று உறுதியாகியுள்ளது. இதன் மூலம் உலகம் முழுவதும் கொரோனாவால் கடந்த 24 மணி நேரத்தில் 6,27,952 பேர் பாதிக்கப்பட்டுள்ளனர். இதுவரை கொரோனாவால் பாதிக்கப்பட்டோரின் மொத்த எண்ணிக்கை 51,20,73,140 பேராக உயர்ந்துள்ளது. கொரோனா தொற்றில் இருந்து உலகம் முழுவதும் 46,58,29,487 பேர் மீண்டுள்ளனர். உலகம் முழுவதும் ஒரே நாளில் 2,552 பேர் கொரோனாவால் மரணமடைந்துள்ளனர். உலகம் முழுவதும் மொத்தம் 62,55,889 பேர் கொரோனா தொற்றினால் மரணமடைந்துள்ளனர்.

பிரான்ஸ் நாட்டில் 59,760 பேர் புதிதாக ஒரே நாளில் கொரேனாவால் பாதிக்கப்பட்டுள்ளனர். ஜெர்மனியில் 1,19,832 பேர் கொரோனா தொற்றினால் பாதிக்கப்பட்டுள்ளனர். தென்கொரியாவில் ஒரே நாளில் 57,439 பேர் பாதிக்கப்பட்டுள்ளனர். ஜப்பான் நாட்டில் 45,771 பேருக்கு ஒரே நாளில் கொரோனா தொற்று உறுதியாகியுள்ளது.

இந்தியாவில் கொரோனா தொற்று மெல்ல அதிகரித்து வருகிறது. 3,687 பேர் ஒரே நாளில் கொரோனாவால் பாதிக்கப்பட்டுள்ளனர்.கொரோனாவால் பாதிக்கப்பட்டோர் மொத்த எண்ணிக்கை 43,072,486 பேராக உயர்ந்துள்ளது. ஓமிக்ரான் வைரஸ் மட்டுமே கடைசி கொரோனா இல்லை என்றும் கொரோனாவில் இருந்து தப்பிக்க தடுப்பூசி மட்டுமே ஒரே ஆயுதம் என்றும் உலக சுகாதார அமைப்பு அறிவித்துள்ளது. ஜூன் மாதத்தில் மீண்டும் கொரோனா பாதிப்பு அதிகரிக்கும் என்றும், 4வது அலை உருவாக வாய்ப்புள்ளதாகவும் தெரிவிக்கப்பட்டுள்ளது.

English summary
Corona update world wide: (உலக அளவில் கொரோனா பாதிப்பு அப்டேட்)Worldwide, 6,27,952 people have been affected by corona in the last 24 hours. The total number of corona victims so far has risen to 51,20,73,140. 46,58,29,487 people worldwide have recovered from the corona infection. Worldwide, 62,55,889 people have died from corona.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X