• search
For Quick Alerts
ALLOW NOTIFICATIONS  
For Daily Alerts
Just In

ஹாட்ரிக் முதல்வர் அர்விந்த் கெஜ்ரிவால்... அரசு அதிகாரியை அரசியல்வாதியாக்கிய யோகங்கள்

|

சென்னை: டெல்லி முதல்வராக மூன்றாவது முறையாக முடிசூடப்போகிறார் அரவிந்த் கெஜ்ரிவால். அவருடைய ஜாதக அமைப்பு பலவித யோகங்களை கொண்டிருக்கிறது அதுவே அவரை மூன்றாவது முறையாக அரியணையில் அமரவைத்திருக்கிறது. சிலருடைய ஜாதகத்தில் யோகங்கள் இருந்தாலும் நாடாளும் யோகமும் அரியணையில் அமரும் யோகமும் கிடைப்பதில்லை. நல்ல கல்வியாளர், சமூக சேவகர், அரசு அதிகாரி என பயணத்தை தொடங்கிய அர்விந்த் கெஜ்ரிவால் பத்து ஆண்டுகளுக்கு முன்புதான் பலராலும் அறியப்பட்டவர். அரசியல் கட்சி தொடங்கிய சில ஆண்டுகளிலேயே ஆட்சியை பிடித்து வெற்றிகரமாக திறம்பட முதல்வராக ஐந்தாண்டு காலம் பதவி வகித்து மீண்டும் அரியணையை கைப்பற்றியுள்ளார். இது அவருக்கு ஹாட்ரிக் வெற்றி.

1968 ஆகஸ்ட் 16 ஆவணி 1ஆம் தேதி அன்றைக்கு ஜென்மாஷ்டமியை இந்தியா கொண்டாடிக்கொண்டிருந்த நாளில்தான் பிறந்திருக்கிறார் அர்விந்த் கெஜ்ரிவால். ரிஷப ராசி ரிஷப லக்னம் கிருத்திகை நட்சத்திரம் 4ஆம் பாதத்தில் பிறந்திருக்கிறார் கெஜ்ரிவால். சிம்ம ராசியில் சூரியன், புதன், குரு, சுக்கிரன், மீனம் ராகு கன்னியில் கேது மேஷத்தில் சனி நீசம் என கிரக நிலைகள் சொல்கின்றன.

பிறக்கும் போதே ஏழரை சனி அதுவும் ஜென்ம சனி இருந்தாலும் கவலையில்லை படிப்பில் புலியாகவும் திறமைசாலியாகவும் வளர்ந்து அரசு அதிகாரியாக உயர்ந்து அரசியல்வாதியாக மாறி மூன்றாவது முறையாக முதல்வராக பதவியேற்கிறார் அர்விந்த் கெஜ்ரிவால்.

கார்த்திகையின் குணம்

கார்த்திகையின் குணம்

கார்த்திகை நட்சத்திரம் சூரியனின் நட்சத்திரம். நெருப்பு நட்சத்திரம். இந்த நட்சத்திர அதிபதி சூரியன் நான்காம் வீடான சுக ஸ்தானத்தில் ஆட்சி பெற்று ஜம்மென்று குரு, சுக்கிரன் உடன் இணைந்திருக்கிறார். இது அற்புதமான அமைப்பு. சபதத்தை வெற்றிகரமாக முடித்து காட்டுபவர்கள். தலைமைப்பண்பு எதையும் வெற்றிகரமாக முடித்துக்காட்டும் திறமையும் கொண்டவர்.

ராஜயோக கிரக அமைப்பு

ராஜயோக கிரக அமைப்பு

கெஜ்ரிவால் ஜாதகத்தில் சந்திரன் ரிஷபத்தில் உச்சம், சூரியன் சிம்மத்தில் ஆட்சி கூடவே குரு, புதன், சுக்கிரன் சஞ்சரிப்பது சிறப்பு. மீனம் ராகு கன்னி கேது என சர்ப்ப யோகத்தில் ஜாதகம் அமைத்துள்ளது. செவ்வாய் நீசம் பெற்றிருந்தாலும் நீசனுக்கு வீடு கொடுத்த சந்திரன் உச்சம் பெற்றிருப்பதும் சனி நீசம் பெற்றிருந்தாலும் சனிக்கு நான்காம் வீட்டில் செவ்வாய் நீச பங்கமாகியிருப்பதும் ஒருவித ராஜயோக அமைப்பை கொடுத்துள்ளது.

முதல்வர் ஆக்கிய யோகங்கள்

முதல்வர் ஆக்கிய யோகங்கள்

நான்காம் வீட்டில் கிரகங்கள் ஆட்சி பெற்ற சூரியனுடன் இணைந்திருப்பது அற்புத அமைப்பு. அவரது உயர்கல்வி யோகத்தை அதிகரித்தது. அரசு வேலை வாய்ப்பினை பெற்றுக்கொடுத்தது. இளம் வயதிலேயே அரசு வேலை கிடைக்க உதவியது. முதல்வர் நாற்காலியிலும் அமரவைத்தது. மக்கள் செல்வாக்கு கிடைக்க வைத்தது.

சர்ப்ப யோகம்

சர்ப்ப யோகம்

கெஜ்ரிவால் ஜாதகத்தில் கால சர்ப்பயோகம் உள்ளது. சர்ப்ப தோஷமாக இருப்பது 30 வயதிற்கு மேல் இது மிகப்பெரிய யோகத்தை கொடுக்கக் கூடியது. அதேபோல கெஜ்ரிவால் ஜாதகத்தில் கஜகேசரி யோகமும், புத ஆதிபத்ய யோகமும் அமைந்துள்ளது. இதுவே சிறந்த கல்வியையும், திடீர் பதவி வசதி வாய்ப்புகளையும் கொடுத்துள்ளது.

போராளி

போராளி

தைரியம் தன்னம்பிக்கை அதிகம் காரணம் மூன்றாம் வீட்டில் செவ்வாய் நீச பங்கம் பெற்றிருக்கிறார். மிகவும் உறுதியானவர், எடுத்த காரியத்தில் வெற்றி என்ற இலக்கை அடையக்கூடிய யோகத்தை கொண்டவர் கெஜ்ரிவால். மிகச்சிறந்த போராளியாக வாழ்க்கையை தொடங்கியிருக்கிறார். உடல் ஆரோக்கியம் அவ்வப்போது வாட்டி வதைக்கும். காரணம் கேதுவும் அதை ராகு பார்வையிடுவதும்தான்.

சூரியன், சுக்கிரன், குரு, புதன்

சூரியன், சுக்கிரன், குரு, புதன்

பத்தாம் வீடு தொழில் ஸ்தானம். சனி பத்தாம் வீட்டு அதிபதி நீசம் பெற்றிருந்தாலும் 12ஆம் வீட்டில் மறைந்திருக்கிறார். இதுவே ஒருவித யோகம்தான். கூடவே பத்தாம் வீட்டின் மீது சூரியன், புதன், குரு, சுக்கிரன் பார்வை விழுவதால் அவருக்கு அரசு அதிகாரியாகும் யோகத்தை கொடுத்து கூடவே அரசியல்வாதியாகும் யோகத்தையும் கொடுத்துள்ளது. ஹாட்ரிக் முதல்வராக பொறுப்பேற்றுள்ள அர்விந்த் கெஜ்ரிவால் தனது லட்சிய பயணத்தை நேர்மையாக தொடங்கி வெற்றிகரமாக பயணித்துக்கொண்டிருக்கிறார். அதற்கு அவருக்கு சுய ஜாதகத்தில் உள்ள கிரகங்களும் ஒத்துழைக்கின்றன.

பொருத்தமான வரன் தேர்ந்தெடுக்க தமிழ் மேட்ரிமோனி - இன்றே பதிவு செய்யுங்கள , பதிவு இலவசம்!

 
 
 
English summary
AAP leader Aravind Kejriwal won the Delhi assembly election 2020. Now in this post the horoscope of Aravind kejriwal jathagam and Yogam.Let us first analyze the horoscope and the auspicious yogas along with the Dasha and Transit system.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more