For Quick Alerts
ALLOW NOTIFICATIONS  
For Daily Alerts
Just In
Oneindia App Download

சூரியன், குரு, சுக்கிரன் கிரகங்கள் வீக்கா இருக்கா... கை கொடுக்கும் மஞ்சள், மிளகு, பட்டை

நம் வீட்டு கிச்சனில் உள்ள அஞ்சறைப்பெட்டியில் உள்ள மிளகு, மஞ்சள், பெருஞ்சீரகம், பட்டை உள்ளிட்ட சமையல் பொருட்கள் நம் ஆரோக்கியத்திற்கு மட்டுமல்ல நமக்கு பாதிப்பை ஏற்படுத்தும் கிரகங்களிடம் இருந்தும் பாதுகா

Google Oneindia Tamil News

சென்னை: இந்திய சமையலில் அதிகம் வாசனைப் பொருட்கள், மசாலா பொருட்களை உபயோகிக்கின்றனர். அது உணவின் ருசியை அதிகரிக்கிறது. உடலுக்கு ஆரோக்கியம் தருகிறது. கூடவே நமது ஜாதகத்தில் அதிகம் வீக்காக உள்ள கிரகங்களின் பாதிப்பில் இருந்து இந்த சமையல் பொருட்களே பாதுகாக்கிறது.

அன்றாட சமையலில் பயன்படுத்தும் மஞ்சள் குருபகவானின் அம்சமாக திகழ்கிறது. மிளகு சூரியன், சந்திரனின் அம்சமாக திகழ்கிறது. இவற்றை அன்றாட சமையலில் உபயோகிப்பவர்களுக்கு இந்த கிரகங்கள் வீக்காக இருந்தாலும் பாதிப்பு அதிகம் இருக்காது.

ஜாதகத்தில் வீக்காக இருக்கும் கிரகங்களின் பாதிப்பில் இருந்து பாதுகாக்கும் சமையல் பொருட்களையும், அதனால் ஏற்படும் நன்மைகளையும் பார்க்கலாம்.

பெருஞ்சீரகம் - சுக்கிரன்

பெருஞ்சீரகம் - சுக்கிரன்

நமது சமையலில் பெருஞ்சீரகத்திற்கு தனி சிறப்பிடம் உண்டு. ஜீரண சக்தியை அதிகரிக்கும், இந்த பெருஞ்சீரகம் சுக்கிரனின் அம்சமாக திகழ்கிறது. சுக்கிரன் களத்திரகாரகன், காதல் நாயகன். பொதுவாகவே வாசனை பொருட்கள் இருக்குமிடத்தில் சுக்கிரனின் அம்சம் நிறைந்திருக்கும். தினசரி உணவில் பெருஞ்சீரகம் சேர்த்துக்கொண்டால் அசிடிட்டி பிரச்சினை வராது. சுக்கிரன் வீக்காக இருந்தாலும் பாதிப்புகள் சரியாகும். வெல்லத்துடன் பெருஞ்சீரகம் சேர்த்து சாப்பிட்டால் நமது வேலைகள் வெற்றியடைய செவ்வாய் கிரகம் உதவி புரிவார்.

லவங்கப்பட்டை - செவ்வாய், சுக்கிரன்

லவங்கப்பட்டை - செவ்வாய், சுக்கிரன்

தகத்தில் செவ்வாய்,சுக்கிரன் சேர்க்கை படுவிவகாரமானது. ஒருவரின் ஜாதகத்தில் செவ்வாய், சுக்கிரன் பாதிப்பாக இருந்தால் பிரச்சினைகள் அதிகமாக இருக்கும். இந்த பாதிப்பை தடுக்க லவங்கப் பட்டை சிறிதளவுடன் தேன் சேர்த்து சுத்தமான நீரில் கலந்து பருகினால் உடலில் சக்தி அதிகரிக்கும். மழை, பனி காலத்தில் ஏற்படும் கபம், சளி தொந்தரவுகள் நீங்கும்.

மிளகு - சூரியன், சந்திரன்

மிளகு - சூரியன், சந்திரன்

ஜாதகத்தில் ஒருவருக்கு சூரியன், சந்திரன் பாதிப்பாக இருந்தால் உடல் நல பாதிப்பு ஏற்படுவதோடு, மனநல பாதிப்பும் ஏற்படும். மழைக்கால சளி தொந்தரவுகள் அதிகரிக்கும். நாம் சாப்பிடும் டேபிள் மேல் மிளகு வைத்துக்கொள்ள வேண்டும். பாலில் மிளகு தூள் கலந்து சாப்பிடுவது சளி தொந்தரவுக்கு நல்லது. தாமிர சத்து நிறைந்த உணவுகளை எடுத்துக்கொள்ள வேண்டும். சூரியன் சற்றே வீக்காக இருந்தாலும் பாதிப்பில் இருந்து தப்பிக்கலாம்.

பார்லி - புதன்

பார்லி - புதன்

கிட்னியில் கல் பிரச்சினை ஏற்படுபவர்களுக்கு பார்லி நன்மை தரக்கூடியது. புதன் கிரகம் பாதிப்பாக இருந்தால் பார்லியை கஞ்சியை தயாரித்து அருந்தலாம்.

பச்சை ஏலக்காய் - ராகு, கேது

பச்சை ஏலக்காய் - ராகு, கேது

ராகு கேதுவினால் ஏற்படும் பாதிப்பினை பச்சை ஏலக்காய் சரி செய்கிறது. பாலுடன் பச்சை ஏலக்காய் கலந்து 6 வாரங்கள் சாப்பிட்டால் இந்த பாதிப்புகள் சரியாகும். உடம்பில் கால்சியம் சத்தினை அதிகரிக்கிறது. ஜீரண கோளாறுகள் இருந்தாலும் சரி செய்கிறது.

மஞ்சள் - குருபகவான்

மஞ்சள் - குருபகவான்

இந்திய உணவுப்பொருட்களில் மஞ்சள் அதிகம் உபயோகிக்கின்றனர். மஞ்சள் குருபகவானின் அம்சமாகும். ஜாதகத்தில் குருபகவான் பாதிப்பாக இருக்கிறது என்று நினைப்பவர்கள் மஞ்சள் நூலினை கழுத்தில் அணிந்து கொள்ள பாதிப்புகள் குறையும். பாலுடன் மஞ்சள் கலந்து சாப்பிட நோய் தொற்று பாதிப்பில் இருந்து தப்பிக்கலாம்.

English summary
According to Vedic astrology, some of the Indian spices can be used to improve the weak planetary motions that leave a massive impact on people’s life.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X