மே மாத ராசிபலன்கள் 2019: வீடு வாங்கும் யோகம் கை கூடி வருது
மகரம் ராசிக்காரர்களுக்கு மே மாதம் உயர்வான மாதம் வீடு வாங்கும் யோகம் கூடி வருகிறது. மே மாதம் இன்னும் என்னென்ன நன்மைகள் நடைபெறும் என்று பார்க்கலாம்.
மதுரை: மே மாதம் உழைப்பாளர்கள் மாதம். வசந்த மாதம். கோவில்களில் கொடை விழாக்கள் அதிகம் நடைபெறும் மாதம் முருகனின் விசாக திருவிழா நடைபெறும் மாதம் மே மாதம்தான். இந்த மாதத்தில் சூரியன் தனது உச்ச வீட்டில் இருந்து உழைப்பின் வீட்டிற்குள் நுழைகிறார். கிரகங்களின் சஞ்சாரம் மகரம் ராசிக்காரர்களுக்கு மே மாதம் யோகங்கள் நிறைந்த மாதம் வெளிநாடு யோகம், வீடு வாங்கும் யோகம் கைகூடி வருகிறது.
சூரியனின் சொந்த வீடு சிம்ம ராசி. கால புருஷ தத்துவப்படி பத்தாம் வீடு என்பது தொழிலைக் குறிக்கும். சூரியன் தனது உச்ச ராசியிலும், சொந்த ராசிக்கு பத்தாம் வீடாகிய தொழில் ஸ்தானத்திலும் சஞ்சரிக்கும் காலமே மே மாதம். அரசனுக்கு உரிய கோளாகக் கருதப்படும் சூரியன் உழைப்பிற்கு உரிய வீட்டில் அமர்வதால் அரசன் முதல் சாமானியன் வரை அனைவரும் உழைக்க வேண்டிய காலமாக அமைந்துள்ளது. சாமானியனையும் உழைப்பினால் சாதிக்க வைக்கும் மே மாதம்.
நவகிரகங்களில் சூரியன், புதன், சுக்கிரன், செவ்வாய் கிரகங்களின் இடப்பெயர்ச்சி மே மாதத்தில் நிகழ்கிறது. சூரியன் மேஷத்தில் இருந்து 15ஆம் தேதி ரிஷபத்திற்கு மாறுகிறார். ரிஷபத்தில் உள்ள செவ்வாய் மே 7ஆம் தேதி மிதுனம் ராசியில் ராகு உடன் கூட்டணி சேருகிறார். மீனம் ராசியில் உள்ள சுக்கிரன் புதன் மேஷம் ராசியில் உச்சம் பெற்ற சூரியனுடன் கூட்டணி சேருகின்றனர். கிரகங்களின் சஞ்சாரத்தைப் பொறுத்து மகரம் ராசிக்காரர்களுக்கு பலன்கள் எப்படி என்று பார்க்கலாம்.
வீடு வாங்கும் யோகம்
மகரம் ராசிக்காரர்கள் மே மாதத்தில் புதன் சுக்கிரன் சாதகமாக உள்ளனர். மூன்றாம் வீட்டில் சஞ்சரிப்பதால் வெளிநாட்டு யோகம் கை கூடி வருகிறது. லாப ஸ்தானத்தில் குரு, 12ஆம் வீட்டில் சனி கேது சஞ்சாரம் அமைந்துள்ளது. 4ஆம் வீட்டில் சூரியன் உச்சம் பெற்றிருப்பதால் அரசு வழியில் ஜாக்கிரதையாக இருங்கள். எதிர்ப்புகள் அதிகம் நடைபெறும். 12ஆம் வீட்டில் சனி பகவான் இருப்பதால் வேலையில் மாற்றம் உருவாகும். வீடு வாங்கும் முயற்சி கை கூடும்.
அடுக்குமாடி குடியிருப்பில் வீடு வாங்குவீர்கள்.
வெளிநாடு செல்லும் யோகம்
சிலருக்கு வெளிநாடு செல்லும் யோகம் வரும். வெளிநாடுகளில் வேலை செய்தவர்கள் சொந்த வீடு திரும்புவார்கள். பிள்ளை வரம் கிடைக்க இறைவன் அருள் கிடைக்கும். பெண்களுக்கு இது உயர்வான மாதம் பதவி உயர்விகள் தேடி வரும்.
சூரியன் புதன் சுக்கிரன்
மூன்றாம் வீட்டில் உச்சம் பெற்றுள்ள சுக்கிரன் மே 11ஆம் தேதி நான்காம் வீடான மேஷத்தில் புதன், சூரியன் உடன் இணைவது நல்ல அம்சத்தையும் சாதகமான பலனையும் தருகிறது. மே 15ஆம் தேதிக்கு மேல் சூரியன் ரிஷபத்திற்கு செல்வது நல்ல அமைப்பு. உடல் ஆரோக்கியத்தில் அக்கறை காட்டுங்கள் காரமான உணவுகளை சாப்பிடாதீங்க.
வண்டி வாகனத்தில் கவனம்
செவ்வாய் 5ஆம் வீட்டில் சாதகமாக அமர்ந்திருக்கிறார். ரியல் எஸ்டேட் தொழில் செய்பவர்களுக்கு சாதமான மாதம். ஆறாம் வீட்டில் ராகு உடன் செவ்வாய் இணையப்போவதால் எதிரிகள் தொல்லை ஒழியும். நோய்கள் குறைந்து மருத்துவ செலவுகள் தீரும். வண்டி வாகனங்களில் செல்லும் போது எச்சரிக்கையா இருங்க. கூடுதல் கவனம் தேவை.
குழந்தை பாக்கியம்
தொழில் செய்பவர்களுக்கு வருமானம் அதிகம் இருக்கும். குரு லாப ஸ்தானத்தில் இருப்பதால் திருமண முயற்சிகள் கைகூடி வரும், காதல் முயற்சிகள் கைகூடி வரும் திருமணமானவர்களுக்கு குழந்தை பாக்கியம் கை கூடி வரும். விட்டுக்கொடுத்து சென்றால் நன்மைகள் அதிகம் நடைபெறும்.