• search
For Quick Alerts
ALLOW NOTIFICATIONS  
For Daily Alerts

இந்த ஆண்டின் முதல் சூரிய கிரகணம் - வானத்தில் சூரியனின் நெருப்பு வளையத்தை எங்கு பார்க்கலாம்

Google Oneindia Tamil News

சென்னை: இந்த ஆண்டின் முதல் சூரிய கிரகணம் இன்று நிகழ்கிறது. இது கங்கண சூரிய கிரகணமாகும். இந்த கிரகணம் இந்தியாவில் தெரியாது என்றாலும் இணையதளங்களில் நேரலையாக ஒளிபரப்பு செய்வதை பார்த்து ரசிக்கலாம். கடந்த 15 நாட்களுக்கு முன்பு சந்திரகிரகணம் நிகழ்ந்தது. ரத்த நிலவு வானில் தெரிந்தது. இன்று வானத்தில் நெருப்பு வளைய சூரிய கிரகணத்தை பார்வையிடலாம். இந்திய நேரப்படி பிற்பகல் 1.42 மணிக்குத் தொடங்கி மாலை 6.41 மணி வரை சூரிய கிரகணம் நிகழும் எனத் தெரிவிக்கப்பட்டிருக்கிறது.

பொதுவாக அமாவாசை நாட்களில் தான் சூரிய கிரகணம் ஏற்படும். இன்றைய தினம் சூரியன், சந்திரன், ராகு இணைந்து ரிஷப ராசியில் பயணம் செய்கின்றன. சூரியன், பூமி, நிலா ஆகிய மூன்றும் ஒரே நேர்கோட்டில் வரும் போது ஏற்படுவது கிரகணம் ஆகும். இதில் சூரியனுக்கும் பூமிக்கும் இடையே நிலா வரும் நிகழ்வு சூரிய கிரகணம் என்று அழைக்கப்படுகிறது.

இன்றைய தினம் சந்திரன் சூரியனை மறைக்கும்போது அது முழுமையாக மறைப்பதில்லை. அதனால் சந்திரனைச் சுற்றியுள்ள, சூரியனை மறைக்காத பகுதிகள் ஒளி வட்டமாக நெருப்பு வளையம் போல கண்ணுக்குத் தெரியும். அதுபோன்ற கங்கண சூரிய கிரகணம்தான் இன்று நிகழப்போகிறது.
இதுபோன்ற கங்கண சூரிய கிரகணம் கடந்த 2010 ஆம் ஆண்டு ஜனவரி 15ஆம் நாளிலும் 2019ஆம் ஆண்டு டிசம்பர் 26ஆம் தேதியும் கடந்த ஆண்டு ஜூன் 20 ஆம் தேதியும் நிகழ்ந்தது.

நெருப்பு வளைய கிரகணம்

நெருப்பு வளைய கிரகணம்

பகலிலேயே சூரிய ஒளி மறைந்து வானில் இருள் தோன்றும். இந்த நிகழ்விற்கு முழு சூரிய கிரகணம் என்று பெயர். சில நேரங்களில் நிலவால் மறைக்கப்பட்ட சூரியன் ஒரு நெருப்பு வளையம் போல் வானில் காட்சி தரும். இது நெருப்பு வளைய சூரிய கிரகணம் அல்லது கங்கண சூரிய கிரகணம் என்று அழைக்கப்படுகிறது. இந்த நிகழ்வை உலகின் சில பகுதிகளில் இருக்கும் மக்களால் மட்டுமே பார்க்க முடியும் என கூறப்பட்டுள்ளது. இந்த நிகழ்வானது மொத்தம் 3 நிமிடங்கள் 51 வினாடிகள் நீடிக்கும் என நாசா தெரிவித்துள்ளது.

கிரகணம் எப்போது தோன்றும்

கிரகணம் எப்போது தோன்றும்

இந்த சூரிய கிரகணமானது இந்திய நேரப்படி பிற்பகல் 01:42:19 மணிக்கு ஆரம்பமாகிறது மாலை 06:40:54 மணிக்கு சூரிய கிரகணம் முடிவடைகிறது. இதில் எந்த இடத்திலும் இந்திய பகுதிக்குள் வரவில்லை. எனவே, இந்த கிரகணம் இந்தியாவில் எந்த பகுதியிலும் எள்ளளவு கூட தெரியாது.

பகுதி கிரகணம் தெரியும் இடங்கள்

பகுதி கிரகணம் தெரியும் இடங்கள்

கனடா, வடக்கு ரஷ்யா மற்றும் கிரீன்லாந்து ஆகிய பகுதிகளில் இருப்பவர்கள் இந்தச் சூரிய கிரகணத்தை முழுமையாகப் பார்க்க முடியும். உலகின் பிற பகுதிகளில் உள்ள மக்கள் சூரியனின் மேற்பரப்பில் ஒரு இருண்ட நிழலை மட்டுமே காண்பார்கள். இது ஒரு பகுதி கிரகணமாக இருக்கும். இந்த நாட்டில் உள்ளவர்கள் நெருப்பு வளையத்தை பார்க்க முடியாது.

கங்கண கிரகணம் எங்கு தெரியும்

கங்கண கிரகணம் எங்கு தெரியும்

கிழக்கு அமெரிக்கா, வடக்கு அலாஸ்கா, கனடா, கரீபியனின் சில பகுதிகள், ஐரோப்பா, ஆசியா மற்றும் வடக்கு ஆப்பிரிக்காவில் இந்தச் சூரிய கிரகணத்தைப் பகுதியாகப் பார்க்க முடியும் என நாசா இணையதளத்தில் குறிப்பிட்டுள்ளது.

 கடைசி சில நிமிடங்கள்

கடைசி சில நிமிடங்கள்

இந்தியாவில் அருணாச்சல பிரதேசத்தில் உள்ள திபாங் வனவிலங்கு சரணாலயத்திற்கு அருகிலிருந்து மாலை 5:52 மணியளவில் சூரிய கிரகணத்தின் மிகச் சிறிய பகுதியை மக்கள் காணலாம். சூரியன் மறையும் மாலை நேரத்தில் மாலை 6.15 மணியளவில் லடாக்கின் வடக்கு பகுதியில், கிரகண நிகழ்வின் கடைசி நேர நிகழ்வினைக் காணலாம் என தெரிவிக்கப்பட்டுள்ளது.

ஆன்லைனில் கிரகணத்தை ரசிக்கலாம்

ஆன்லைனில் கிரகணத்தை ரசிக்கலாம்

இந்தியாவில் வசிப்பவர்கள் சூரிய கிரகணத்தை நேரில் பார்க்க முடியாவிட்டாலும் ஆன்லைனில் சூரிய கிரகணத்தை நேரில் ஒளிபரப்ப உள்ளனர். எனவே சூரிய கிரகணத்தை நேரில் பார்ப்பது போல ஆன்லைனில் பாதுகாப்பாக பார்த்து ரசிக்கலாம். Timeanddate.com இணையத்தில், https://www.timeanddate.com/live/eclipse-solar-2021-june-10 இணைய முகவரியில் நேரலையாக ஒளிபரப்பாகும் என தெரிவிக்கப்பட்டுள்ளது.

English summary
The first solar eclipse of the year occurs today. This is the Kangana solar eclipse. Although the eclipse is not known in India, it can be watched live on websites.The Moon does not block the entire view of the Sun, forming a Ring of Fire.The eclipse comes 15 days after the year’s only total lunar eclipse, which some called the super flower blood moon.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X