Today's Rasi Palan: இன்றைய ராசி பலன் செவ்வாய்கிழமை ஏப்ரல் 20, 2021

சென்னை: பிலவ வருடம் சித்திரை 09 ஆம் தேதி ஏப்ரல் 22, 2021 வியாழக்கிழமை, தசமி திதி இரவு 11.36 மணி வரை அதன் பின் ஏகாதசி. ஆயில்யம் காலை 08.05 மணி வரை அதன் பின் மகம். சந்திரன் இன்றைய தினம் கடகம், சிம்ம ராசிகளில் பயணம் செய்கிறார். தனுசு, மகர ராசிக்காரர்களுக்கு சந்திராஷ்டமம் இருப்பதால் கவனம் தேவை. மேஷம் முதல் மீனம் வரை 12 ராசிக்காரர்களுக்கும் பலன்களைப் பார்க்கலாம்.

மேஷம்

சந்திரன் இன்றைய தினம் சாதகமான நிலையில் பயணம் செய்கிறார். குழந்தைகளால் குதூகலம் உண்டாகும்.

இன்று குடும்பத்தில் மருத்துவ செலவுகள் ஏற்படலாம். வெளியூர் பயணங்களால் நன்மைகள் ஏற்படும். உறவினர்களிடம் ஏற்பட்ட கருத்து வேறுபாடுகள் நீங்கும். பிரச்சினைகள் முடிவுக்கு வரும். வேலை செய்யும் இடத்தில் உடன் பணிபுரிபவர்கள் மூலம் பணிச்சுமை குறையும். உயரதிகாரிகளின் ஆதரவு கிடைக்கும். பணம் கொடுக்கல் வாங்கலில் கவனம் தேவை. சகோதரர்கள் மூலம் எதிர்பாராத உதவிகள் கிடைக்கும்.

ரிஷபம்

சந்திரன் இன்றைய தினம் உங்களுக்கு சாதகமாக முயற்சி ஸ்தானத்திலும் சுக ஸ்தானத்திலும் பயணம் செய்கிறார். செய்யும் முயற்சிகளில் வெற்றி கிடைக்கும். பணபுழக்கம் நன்றாக இருக்கும். குடும்பத்தில் உள்ளவர்களுடன் சிறு மனஸ்தாபங்கள் ஏற்படலாம். எதிர்பார்ப்புகள் நிறைவேறும். வேலை செய்யும் இடத்தில் உடனிருப்பவர்களை அனுசரித்து செல்வது நல்லது. வேலை செய்யும் இடத்தில் சிக்கனமாக செயல்படுவதன் மூலம் பணப் பிரச்சினைகளை சமாளிக்க முடியும்.

மிதுனம்

சந்திரன் இன்றைய தினம் மனதில் உற்சாகத்தைக் கொடுப்பார். சொத்து சேர்க்கை ஏற்படும். நீங்கள் செய்யும் செயல்களில் மனமகிழ்ச்சி அதிகரிக்கும். வீட்டில் பெற்றோரிடம் இருந்த மனஸ்தாபங்கள் விலகும். பூர்வீக சொத்துகள் வழியில் எதிர்பாராத லாபம் கிடைக்கும். வியாபாரத்தில் லாபம் அதிகரிப்பதற்கான வாய்ப்புகள் உருவாகும். சுபகாரியங்கள் கைகூடி வரும்.

கடகம்

சந்திரன் இன்றைய தினம் உங்கள் ராசியில் இருந்து இரண்டாம் வீட்டிற்கு பயணம் செய்கிறார். இன்று பிள்ளைகளால் வீண் விரயங்கள் ஏற்படலாம். குடும்பத்தில் பெரியவர்களின் மனஸ்தாபத்துக்கு ஆளாக நேரிடும். உடல் ஆரோக்கியத்தில் கவனம் தேவை. பொறுப்புடன் செயல்பட்டால் வியாபாரத்தில் இழப்புகளை தவிர்க்கலாம். நண்பர்கள் உதவிக்கரம் நீட்டுவார்கள். வேலை செய்யும் இடத்தில் இருந்த பிரச்சினைகள் முடிவுக்கு வரும்.

சிம்மம்

சந்திரன் இன்றைய தினம் உங்களுடைய ராசிக்கு வருகிறார். குருவின் பார்வையால் மனதில் குதூகலம் அதிகரிக்கும். இன்று வியாபாரத்தில் கூட்டாளிகளின் உதவியால் லாபம் அதிகரிக்கும். குடும்பத்தில் இருந்த கருத்து வேறுபாடுகள் மறையும். பிள்ளைகள் சுறுசுறுப்புடன் இருப்பார்கள். வீட்டில் சுப பேச்சுக்கள் நற்பலனை அளிக்கும். உத்தியோகத்தில் சிலருக்கு எதிர்பார்த்த இடமாற்றம் கிடைக்கும். சேமிப்பு உயரும்.

கன்னி

சந்திரன் இன்றைய தினம் உங்களுடைய ராசிக்கு விரைய ஸ்தானத்தில் பயணம் செய்கிறார். இன்று உங்களுக்கு உத்தியோக ரீதியாக சில பிரச்சினைகள் ஏற்படலாம். நினைத்த காரியம் நிறைவேறுவதில் சில தடங்கல்கள் ஏற்படும். வியாபாரத்தில் லாபம் அதிகரிக்கும். திடீர் மருத்துவ செலவுகளும் வரும். வீட்டிற்கு வரும் உறவினர்களால் அனுகூலம் உண்டாகும். வீட்டிற்குத் தேவையான புதிய பொருட்கள் வாங்கி மகிழ்வீர்கள்.

துலாம்

சந்திரன் இன்றைய தினம் உங்களுடைய ராசிக்கு லாப ஸ்தானத்திற்கு வருவதால் செய்யும் தொழிலில் லாபம் அதிகரிக்கும்.

இன்று குடும்பத்தோடு வெளியூர் பயணம் செல்லும் வாய்ப்புகள் உருவாகும். வெளிவட்டார நட்பு கிடைக்கும். வியாபாரத்தில் இருந்த போட்டி பொறாமைகள் குறையும். உடன் பிறந்தவர்கள் மூலம் நன்மைகள் ஏற்படும். எடுக்கும் முயற்சிகள் வெற்றியை கொடுக்கும் மூத்த உடன்பிறப்புகள் மூலம் சந்தோஷம் அதிகரிக்கும்.

விருச்சிகம்

சந்திரன் இன்றைய தினம் உங்களுடைய தொழில் ஸ்தானத்தில் பயணம் செய்கிறார். குடும்பத்தில் இருந்த பிரச்சினைகள் நீங்கி மனநிம்மதி ஏற்படும். உத்தியோகத்தில் உடன் பணிபுரிபவர்களால் அனுகூலம் கிட்டும். சொந்த தொழில் செய்பவர்களுக்கு புதிய ஒப்பந்தங்கள் கிடைப்பதற்கான சூழ்நிலை அமையும். இன்று உங்களுக்கு பொருளாதார ரீதியாக முன்னேற்றங்கள் உண்டாகும். நிதி நெருக்கடிகள் நீங்கும்.

தனுசு

சந்திரன் இன்றைய தினம் பாக்ய ஸ்தானத்திற்கு செல்கிறார். காலை நேரத்தில் சின்னச் சின்ன பிரச்சினைகள் வரலாம். உறவினர்களிடம் நீங்கள் தேவையற்ற மனஸ்தாபங்களை தவிர்க்க அனுசரித்து செல்ல வேண்டியிருக்கும். வாகனங்களால் வீண் விரயங்கள் ஏற்படலாம். உடல் ஆரோக்கியத்தில் சற்று கவனம் தேவை. அயராத உழைப்பால் தொழிலில் முன்னேற்றம் ஏற்படும். ஆலய வழிபாடு மன அமைதியைத் தரும்.

மகரம்

சந்திரன் இன்றைய தினம் உங்களுடைய ராசிக்கு எட்டாம் வீட்டிற்கு வருகிறார். இன்றைய தினம் உங்களுடைய ராசிக்கு சந்திராஷ்டமம் இருப்பதால் உத்தியோக ரீதியாக மன உளைச்சல் உண்டாகும். தேவையற்ற செலவுகள் ஏற்படலாம். எந்த விஷயத்திலும் நிதானத்துடன் செயல்படுவது நல்லது. வெளி இடங்களில் வீண் வாக்குவாதங்களை தவிர்க்கவும். பயணங்களில் கவனம் தேவை.

கும்பம்

சந்திரன் இன்றைய தினம் உங்களுடைய ராசிக்கு ஏழாம் வீட்டில் பயணம் செய்கிறார். இன்று குடும்பத்தில் ஒற்றுமையும் அமைதியும் நிலவும். நண்பர்களுடன் இருந்த மனக்கசப்பு நீங்கும். உடல் ஆரோக்கியம் சிறப்பாக இருக்கும். வியாபாரத்தில் கூட்டாளிகள் மூலம் உதவிகள் கிடைக்கும். உத்தியோக ரீதியான பயணங்களால் வருமானம் பெருகும். வீட்டுத் தேவைகள் பூர்த்தியாகும். கணவன் மனைவி இடையே ஒற்றுமை அதிகரிக்கும். பிள்ளைகளால் மனதில் நிம்மதி சந்தோஷம் உண்டாகும்.

மீனம்

சந்திரன் இன்றைய தினம் உங்களுடைய ராசிக்கு ஆறாம் வீட்டில் பயணம் செய்கிறார். குடும்பத்தில் ஒற்றுமையும் மகிழ்ச்சியும் நிலவும். உங்களின் முயற்சிகளுக்கு உறவினர்கள் வழியில் ஆதரவு கிட்டும். வேலை செய்யும் இடத்தில் சிலருக்கு பதவி உயர்வுகள் கிடைக்கும். இன்று எந்த செயலையும் முழு ஈடுபாட்டுடன் செய்து முடிப்பீர்கள். சேமிக்கும் அளவிற்கு வருமானம் பெருகும். நிதி நெருக்கடி நீங்கும் கடன் பிரச்சினைகள் முடிவுக்கு வரும்.