புளி ரசத்துக்கு புளி.. தக்காளி ரசத்துக்கு தக்காளி.. அப்போ அதிரசத்துக்கு.. இதெல்லாம் ரொம்ப ஓவர் பாஸ்!
தீபாவளி பலகாரம் பற்றிய சில ஜாலி ஜோக்ஸ்
சென்னை: தீபாவளிக்கு இன்னும் சில நாட்களே உள்ளன. எல்லோர் வீட்டிலும் புத்தாடை, பட்டாசுகள் வாங்க என ஷாப்பிங் மோடில் இருப்பார்கள்.
இது தவிர பலகாரம் வீட்டில் செய்யலாமா இல்லை கடையில் வாங்கலாமா என பல இல்லத்தரசிகள் ரூம் போட்டு யோசித்துக் கொண்டிருக்கின்றனர். இந்த நேரத்தில் சில தீபாவளி ஜோக்குகள் இணையத்தில் வைரலாகி இருக்கின்றன.
இதோ அவற்றைப் படித்து நீங்களும் மகிழுங்கள்..
மருமகள் : அத்தை, இந்த வருடம் தீபாவளி ஸ்பெஷல் ஸ்வீட் நான் செய்றேன்...!
அத்தை : ரொம்ப நல்லதுமா... உன் வீட்டுக்காரருக்கு அதிரசம் ரொம்ப பிடிக்கும்... செய்வியாமா ?
மருமகள் : நிச்சயமா அத்தை. ஆனா எனக்கு ஒரு சந்தேகம். புளி ரசத்துக்கு புளி போடணும் ...தக்காளி ரசத்துக்கு தக்காளி போடணும்.... மிளகு ரசத்துக்கு மிளகு போடணும்.... அதிரசத்துக்கு என்ன ரசம் போடணும் அத்தை ....!
அத்தை : !?!?!
----------------
அம்மா : ஆனாலும் உன் பொண்டாட்டிக்கு ரொம்ப கொழுப்பு தான்டா...
மகன் : ஏன்மா ? என்ன செஞ்சா ?
அம்மா : நான் பாலை வெச்சி பால்கோவா பண்றேன்.. நீங்க ரசத்தை வச்சி ரசகுல்லா பண்ணுங்கன்னு சொல்றா...
மகன் : ?!?!?!
----------------
மகன் : என்னப்பா... இந்த சங்கு சக்கரம் நெருப்பு வைச்சா எரிய மாட்டேங்குது...
அப்பா : அடப்பாவி, இது அம்மா சுட்ட முருக்குடா.... நீ செஞ்சதை மட்டும் உங்க அம்மா பாத்தா நமக்கு தீபாவளியே இல்லடா..!