வாழ்க்கைல ஏதோ மிஸ் ஆகுதேனு யோசிச்சுட்டே இருந்தேன்.. அப்போதான் மதியம் சாப்பிடலைனு ஞாபகமே வந்தது!
ஞாயிறு ஸ்பெஷலாக சாப்பாடு பற்றிய பல மீம்ஸ்கள் சமூகவலைதளங்களில் பகிரப்பட்டு வருகின்றன.
சென்னை: சாப்பாடு பற்றிய மீம்ஸ்களைப் பகிரவில்லை என்றால் நெட்டிசன்களுக்கு, அது முழுமையான ஞாயிறாகவே இருக்காது போல.. அதனால்தான் வழக்கம் போல இன்றும் சாப்பாடு பற்றிய மீம்ஸ்கள் சமூகவலைதளங்களில் அதிகம் பகிரப்பட்டு வருகின்றன.
வாரத்தில் மற்ற நாட்களைவிட ஞாயிற்றுக்கிழமையை சமூகவலைதளங்களில் எளிதாக அடையாளம் கண்டு கொள்ளலாம். ஏனென்றால் அன்றைய தினம் நிச்சயம் சாப்பாடு பற்றிய மீம்ஸ்கள் அதிகம் பகிரப்பட்டிருக்கும். அதென்னவோ தெரியவில்லை ஞாயிற்றுக்கிழமைகளில் முடி வெட்டுவது, துணி துவைப்பது மாதிரி மற்ற வேலைகளோடு, சாப்பாடு பற்றிய மீம்ஸ்களைப் பகிர்வதையும் வாடிக்கையாக்கி விட்டனர் நெட்டிசன்கள்.
கைல காசு இருந்தா மட்டன் பிரியாணி.. இல்லாட்டி ரெண்டு டீயும், வடையும்.. இவ்வளவுதான்ங்க வாழ்க்கை!
சாதாரணமாக மற்ற ஞாயிறுகளில் இத்தகைய மீம்ஸ்களில் கொஞ்சம் அசைவ நெடி தூக்கலாகவே இருக்கும். ஆனால், அமாவாசை, தைப்பூசம் போன்ற விரத நாட்கள் ஞாயிறுகளில் வந்துவிட்டால், மீம்ஸ்களிலும் அசைவத்தை தவிர்த்து, பொதுவான சாப்பாட்டைப் பற்றிய மீம்ஸ்கள் மட்டும் அதிகம் பகிரப்படும்.
இன்றும் அதே மாதிரி சாப்பாடை வைத்து சமூகவலைதளங்களில் நகைச்சுவையான மீம்ஸ்கள் பகிரப்பட்டு வருகின்றன. இதோ அவற்றில் சில உங்களுக்காக..