பஜ்ரங்கி பாய்ஜான் படம் மூலம் பிரபலமான பாகிஸ்தான் செய்தியாளர்..மீண்டும் வெளியான வைரல் வீடியோ!
பாலிவுட் படமான பஜ்ரங்கி பாய்ஜான் மூலம் வைரலான பாகிஸ்தான் செய்தியாளர் சந்த் நவாப் தற்போது மீண்டும் ஒரு வீடியோ மூலம் வைரலாகி உள்ளார்.
Recommended Video
கராச்சி: பாலிவுட் படமான பஜ்ரங்கி பாய்ஜான் மூலம் வைரலான பாகிஸ்தான் செய்தியாளர் சந்த் நவாப் தற்போது மீண்டும் ஒரு வீடியோ மூலம் வைரலாகி உள்ளார்.
இந்தியாவும் பாகிஸ்தானும் பல விஷயங்களில் எப்போதும் ஒரே மாதிரி சிந்தித்தது கிடையாது. முக்கியமாக கலை, ரசனை சம்பந்தப்பட்ட விஷயங்களில் இரண்டு நாடுகளும் ஏட்டிக்குப்போட்டிதான்.
ஆனால் இரண்டு நாட்டு மக்களையும் ஒருவர் பெரிய அளவில் கவர்ந்து இருக்கிறார். பாகிஸ்தான் செய்தியாளர் சந்த் நவாப் இரண்டு நாட்டு மக்களுக்கும் செல்லமான செய்தியாளராக இருக்கிறார்.
என்ன கதாபாத்திரம்
இவர் பிரபலமானது சல்மான் கான் நடித்த பஜ்ரங்கி பாய்ஜான் படத்தில் இருந்துதான். அந்த படத்தில் நடித்த பிரபல நடிகர் நவ்சுதின் சித்திக், இவரது கதாபாத்திரத்தைதான் நடித்து இருந்தார். அந்த படம் இந்தியா பாகிஸ்தான் என்று இரண்டு நாடுகளிலும் ஹிட் அடித்தது. இரண்டு நாட்டு உறவை ஒரு குழந்தை, சல்மான் கான் என்ற இரண்டு பேரை வைத்து மிக அழகாக சொல்லி இருப்பார்கள்.
நடந்தது
அந்த படத்தில், நவ்சுதின் சித்திக் வாய்ப்பு கிடைக்காத, கேமரா முன்பு தவறாக பேச கூடிய திறமையற்ற காமெடியான பத்திரிக்கையாளராக நடித்திருப்பார். பாகிஸ்தான் செய்தியாளர் சந்த் நவாப் உண்மையிலேயே அப்படித்தான். அவர் உண்மையாகவே கேமராவை பார்த்து நடுங்கும் செய்தியாளர்தான். இவர் திக்கி திக்கி பேசக்கூடிய நபர்தான்.
வைரல்
இவர் கேமரா முன்பு சொதப்பிய வீடியோ பல இணையத்தில் வைரல் ஆகியுள்ளது. முக்கியமாக கராச்சி ரயில் நிலையத்தில் கருப்பு டிக்கெட் விற்கப்படுவது குறித்தும் இவர் வீடியோ வெளியிட்டதுதான் பெரிய அளவில் வைரல் ஆனது. அந்த சீனை பஜ்ரங்கி பாய்ஜான் படத்திலும் வைத்து இருப்பார்கள். இதற்காக அவர் அப்போது போலீசிடம் அடி கூட வாங்கினார்.
|
மீண்டும் மீண்டும்
இந்த நிலையில் இவரது இன்னொரு வீடியோ தற்போது வைரல் ஆகியுள்ளது. சுவீட் கடை ஒன்றில் இவர் தவறாக பேசும் வீடியோ வெளியாகி உள்ளது. அதில் கேமரா மேன் பெயரை கூட தவறாக உச்சரித்து கடைசியில் நிறைய சுவீட்களை தின்றுவிட்டு இவர் செல்வது பெரிய வைரலாகி உள்ளது. இந்தியா பாகிஸ்தான் என்று இரண்டு நாடுகளிலும் இவர் வீடியோவை ஷேர் செய்து கொண்டாடி வருகிறார்கள்.