முதலில் உன்னைக் காதலி!
காதலில் விழுவதற்கு முன்பு நாம் நம்மையே முதலில் காதலிக்க வேண்டும்.. நம்மை விட நம்மை சிறந்த முறையில் காதலிக்க யார் இருக்காங்க சொல்லுங்க.
காதலிக்க நேரமில்லை காதலிப்பார் யாருமில்லை என்று நினைக்காமல் உங்களை நீங்கள் காதலியுங்கள். உங்களின் ஒவ்வொரு செயலையும் ரசித்து செய்யுங்கள். நம்மை நாமே நேசிக்காவிட்டால் வேறு யார் நேசிப்பார்கள். நான் இந்த உடையில் மிகவும் அழகாக இருக்கிறேன். நான் இன்று இந்த செயலைச் சிறப்பாகச் செய்து முடித்திருக்கிறேன் என்று உங்கள் மீது காதல் கொள்ளுங்கள்.
காதல் என்பது நம் நெஞ்சில் உள்ளது. பெற்றோரையும் மற்றோரையும் தான் காதலிக்க வேண்டும் என்பதில்லை. நம்மையே நாம் காதலிக்கலாம். நம் வாழ்க்கையின் அழகான தருணங்களை நீங்கள் நினைத்தால் மேலும் அழகாக்கலாம்.
காதலிக்க வேண்டும் உங்கள் குணங்களை காதலிக்க வேண்டும் உங்களின் திறமைகளைக காதலியுங்கள். உங்களை நீங்களே விரும்பும் போது உங்களின் தன்னம்பிக்கை மேலும் அதிகமாகும். நம்மை நாம் மகிழ்ச்சியாக வைத்துக் கொள்ள வேண்டுமென்றால் உங்களை நீங்கள் முதலில் காதலிக்க வேண்டும். தினம் தினம் மனதில் சந்தோசத்துடனும் முகத்தில் புன்னகையுடனும் உலா வர வேண்டும்.
நானே சிறந்தவன் நான் என் செயல்களைச் சிறப்பாகச் செய்து முடிப்பேன் என்னால் எதையும் செய்ய முடியும் என்ற மனோபாவம் மிக முக்கியம். உங்களுக்குப் பிடித்த உடை உடுத்தி உங்களின் அழகை ரசியுங்கள். நீங்கள் செய்த சிறப்பான செயலுக்கு உங்களை நீங்களே தட்டிக் கொடுங்கள். நீங்கள் செய்த விஷயத்துக்கு நீங்களே ஒரு சபாஷ் போடுங்கள்.
Tuesday Vibes: ஒரு காதல் என்பது.. !
நம்மை நாமே காதலிப்பது என்பதை நம்மை நாமே மோட்டிவெட் செய்வதற்குச் சமம். நமது செயல்களை முதலில் நாம் பாராடட் வேண்டும். அப்போதுதான் பிறர் பாராட்டும்படி நாம் செயல்பட உத்வேகம் கிடைக்கும். ஒவ்வொருவருக்கும் ஒரு திறமை இருக்கும். அதை அவர்கள் முதலில்மதிக்க வேண்டும். அப்போதுதான் அதன் அவுட்புட் பிரமிக்கும் வகையில் வெளிப்பட்டு நமக்கு சிறப்பு சேர்க்கும்.
காதல் இல்லாத வாழ்க்கை இல்லை. முதலில் உங்களை நேசியுங்கள். உங்களை நீங்கள் காதலிக்கும் போது நீங்கள் உங்களைப் பற்றி அறியாத பல விஷயங்களை அறிந்துக்கொள்வீர்கள். உங்கள் மீது தீராக் காதல் கொள்ளுங்கள். வாழ்க்கை வசந்தமாகட்டும்.