ஐக்கி-ய நாட்டு தூத-ரா-ன கிரிக்--கெட் வீரர்
பிரிட்ஜ்டவுன்:
ஐக்கிய நாடுகள் சபையின் நல்லெண்ணத் தூதராக, டெஸ்ட் கிரிக்கெட் அதிக விக்கெட்டுகளை வீழ்த்தி சாதனைபுரிந்துள்ள மேற்கிந்தியத் தீவுகள் அணியின் வேகப் பந்து வீச்சாளர் கார்ட்னி வால்ஷ் நியமிக்கப்பட்டுள்ளார்.
இத் தகவலை, மேற்கிந்தியத் தீவுகளுக்கான ஐ.நா சபையின் சர்வதேச போதைப் பொருள் கட்டுப்பாட்டுத் திட்டப்பிரதிநிதி மைக்கேல் பிளாட்சர், பிரிட்ஜ்டவுனில் நிருபர்களிடம் தெரிவித்தார்.
மேற்கிந்தியத் தீவுகளில் இருந்து ஐ.நா. சபையின் நல்லெண்ணத் தூதராக நியமிக்கப்படும் இரண்டாவது நபர்வால்ஷ் என்பது குறிப்பிடத்தக்கது. அவருக்கு முன்னதாக அதலெடிக் வீரர் ஹாரி பெலஃபோன்டே இத்தகையபெருமையைப் பெற்றுள்ளார்.
தூதராக நியமிக்கப்படுவதை ஏற்றுக் கொள்கிறீர்களா என்று அதிகாரிகள் கேட்டவுடன் தயங்காமல் எந்த மறுப்பும்சொல்லாமல் அக் கோரிக்கையை ஏற்றுக் கொண்டேன். வளரும் சந்ததியினரை சரியான பாதையில் அழைத்துச்செல்ல இப் பதவியை நான் பயன்படுத்திக்கொள்வேன் என்றார் வால்ஷ்.
கிரிக்கெட்டில் வால்ஷ் காட்டிய ஈடுபாடு, ஒழுக்கம் ஆகியவை இளைஞர்களுக்கு ஒரு எடுத்துக்காட்டு ஆகும்என்றார் பிளாட்சர். 37 வயதாகும் வால்ஷ், டெஸ்ட் கிரிக்கெட்டில் 442 விக்கெட்டுகள் வீழ்த்தி சாதனைபடைத்துள்ளார்.
ஏ.பி.