181 ரன்களில் சுருண்டது இலங்கை - அப்துர் ரஸாக் ஹாட்-ரிக் சாதனை
ஞிணிடூணிணூ="ஆடூச்ஞிடு">கல்லே:
பாகிஸ்தானுக்கு எதிராக கல்லேயில் நடைபெற்று வரும் இரண்டாவது கிரிக்கெட் டெஸ்டின் முதல் நாளானபுதன்கிழமை இலங்கை தனது முதல் இன்னிங்ஸில் 181 ரன்களுக்கு ஆட்டமிழந்தது.
பாகிஸ்தான் அணியின் மித வேகப்பந்து வீச்சாளர் அப்துர் ரஸாக் சிறப்பாகப் பந்து வீசி ஹாட்-ரிக் சாதனைபுரிந்தார். பாகிஸ்தான் அணியின் சிறப்பான பந்து வீச்சு காரணமாக 18 ரன்களுக்கு இலங்கை அணியின் கடைசி 6விக்கெட்டுகள் வீழ்ந்தன என்பது குறிப்பிடத்தக்கது.
முன்னதாக டாஸ் வென்ற இலங்கை முதலில் பேட் செய்தது. அணியின் எண்ணிக்கை 13 ஆக இருந்தபோது துவக்கஆட்டக்காரர் அட்டபட்டு அவுட்டானார். அவரில் தொடங்கிய அணியின் சரிவு 181 ரன்னில் முடிவுற்றது.இடையில், ஜயவர்தனேயும் ரணதுங்காவும் ஜோடி சேர்ந்து நிலைத்து ஆடினர்.
இருவரும் 5-வது விக்கெட்டுக்கு 116 ரன்கள் சேர்த்தனர். ஜயவர்தனே 72 ரன்களும், ரணதுங்கா 51 ரன்களும்எடுத்தனர். அவர்களுக்கு அடுத்தபடியாக கேப்டன் ஜெயசூர்யா 32 ரன்கள் எடுத்தார். மற்றவர்கள் ஒற்றை இலக்கஎண்களில் அவுட்டானார்கள். 163 ரன்களுக்கு 3 விக்கெட்டுகள் என்ற நிலையில் இருந்த இலங்கை 181 ரன்களில்சுருண்டது.
பாகிஸ்தான் அணியின் அப்துர் ரஸாக் வரிசையாக கலுவிதரன, ஹீரத், புஷ்பகுமாரா ஆகியோரை அடுத்தடுத்த 3பந்துகளில் அவுட்டாக்கி ஹாட்-ரிக் சாதனை புரிந்தார். டெஸ்ட் கிரிக்கெட்டில் ஹாட்-ரிக் எடுத்த இளம் வீரர் என்றபெருமையையும், டெஸ்ட் கிரிக்கெட்டில் ஹாட்-ரிக் சாதனை புரிந்த இரண்டாவது பாகிஸ்தான் வீரர் என்றபெருமையையும் அவர் பெற்றார். பாகிஸ்தான் அணியின் வாஸிம் அக்ரம் ஹாட்-ரிக் சாதனை புரிந்த மற்றொருவீரர்.
அப்துர் ரசாக் 35 ரன்களுக்கு 3 விக்கெட்டுகளையும், வக்கார் யூனிஸ் 39 ரன்களுக்கு 3 விக்கெட்டுகளையும், அசார்மெஹ்மூத் 36 ரன்களுக்கு 2 விக்கெட்டுகளையும் வீழ்த்தினார்.
இலங்கையை 181 ரன்களுக்குச் சுருட்டிய பாகிஸ்தான் தனது முதல் இன்னிங்ஸைத் தொடங்கியது. ஆட்ட நேரமுடிவில் பாகிஸ்தான் 23 ஓவர்களில் 2 விக்கெட் இழப்புக்கு 74 ரன்கள் எடுத்திருந்தது. வாஸிம் 29 ரன்களுக்கும்,அசார் மெஹ்மூத் 0 ரன்களிலும் அவுட்டானார்கள். சயீத் அன்வர் 42 ரன்களுடன் அவுட்டாகாமல் உள்ளார்.
இலங்கை அணியில் முரளிதரன் சிறப்பாகப் பந்து வீசி 11 ரன்களுக்கு 2 விக்கெட்டுகளை வீழ்த்தினார்.