தமிழகத்தில் இன்று
இன்டர்நெட் உபயோகிப்பில் முதலிடத்தில் அமெரிக்க பெண்கள்
நியூயார்க்:
உலகில் இன்டர்நெட்டைப் பயன்படுத்தும் பெண்களில் அதிகமானவர்கள் அமெரிக்காவில்தான் இருப்பதாக ஆய்வு ஒன்றில் தெரிய வந்துள்ளது.
இன்டர்நெட்டைப் பயன்படுத்தும் பெண்களில் 38 சதவீதம் பேர் அமெரிக்காவைச் சேர்ந்தவர்கள். இவர்களுக்கு அடுத்த இடத்தில் பிரேசில் (25),ஜப்பான் (17), தென் ஆப்பிரிக்கா (17) ஆகிய நாடுகளைச் சேர்ந்த பெண்கள் உள்ளனர்.
ரஷியாவைச் சேர்ந்த 16 சதவீதம் பேரும், சீனப் பெண்கள் 7 சதவீதம் பேரும், அரேபியப் பெண்கள் 4 சதவீதம் பேரும் இன்டர்நெட்டைப் பயன்படுத்திவருகிறார்கள்.
ஐக்கிய நாடுகள் சபையின் பெண்கள் மேம்பாட்டுக் கழகம் இந்த ஆய்வை மேற்கொண்டது. அமெரிக்காவைச் சேர்ந்த 9 சதவீத பெண்கள்,தகவல் தொழில்நுட்பத் துறையின் உயல் பதவிகளில் இருக்கிறார்கள்.
அமெரிக்காவிலுள்ள கம்ப்யூட்டர் புரோகிராமர்களில் 28 சதவீதம் பேர் பெண்கள். சிஸ்டம் அனாலிஸ்டுகளில் 26.9 சதவீதம் பேர் பெண்கள்.இதேபோல, டேட்டா என்ட்ரி ஆபரேட்டர்களில் 85 சதவீதம் பேர் பெண்கள்.
யு.என்.ஐ.