விம்பிள்டன்: டேவன்போர்ட் Vs
விம்பிள்டன்:
விம்பிள்டன் டென்னிஸ் போட்டியில் பெண்கள் ஒற்றையர் இறுதி ஆட்டத்தில் விளையாட அமெரிக்காவின் தேவன்போர்ட் மற்றும் வீனஸ்வில்லியம்ஸ் இருவரும் தகுதி பெற்றுள்ளனர்.
வியாழக்கிழமை நடைபெற்ற அரையிறுதி ஆட்டங்களில் இவர்கள் இருவரும் எளிதாக வெற்றி பெற்று இறுதிச் சுற்றுக்கு முன்னேறியுள்ளனர்.பட்டத்தைத் தக்க வைத்துக்கொள்ள ஒரு வாய்ப்பாக தொடர்ந்து இரண்டாவது முறையாக இறுதி ஆட்டத்துக்கு தேவன்போர்ட் தகுதி பெற்றுள்ளார்.
முதல் அரையிறுதியில் வீனஸ் சகோதரிகளான வீனஸ் வில்லியம்ஸ், செரீனா வில்லியம்ஸ் இருவரும் மோதினர். முதல் சட்டை 6-2 என்ற கணக்கில்எளிதாக வென்றார் வீனஸ். ஆனால், இரண்டாவது செட்டில் அவருக்கு பலத்த எதிர்ப்பைக் காட்டினார் செரீனா.
இறுதியில் 6-6 என்ற சமநிலையில் இருவரும் இருந்தபோது டை-பிரேக்கர் முறை கடைப்பிடிக்கப்பட்டது. இதில் 7-3 என்ற புள்ளிகள் எடுத்து7-6 என்ற கணக்கில் அந்த செட்டை வீனஸ் வென்றார்.
இரண்டாவது அரையிறுதியில் நடப்புச் சாம்பியனான தேவன்போர்ட்டும் ஜெலீனா டோகிக்கும் மோதினர். இதில் 6-4, 6-2 என்ற கணக்கில்தேவன்போர்ட் வெற்றி பெற்றார். டோகிக்கிடமிருந்து எந்தவிதமான எதிர்ப்பும் தேவன்போர்ட்டுக்கு இல்லை என்பது குறிப்பிடத்தக்கது.
வீனஸ் வில்லியம்ஸ்-தேவன்போர்ட் இருவருக்கும் இடையேயான இறுதி ஆட்டம் சனிக்கிழமை நடைபெறுகிறது.
ஆண்களுக்கான அரையிறுதி ஆட்டங்கள் வெள்ளிக்கிழமை நடைபெறுகின்றன. சாம்ப்ராஸ்-ராப்டர், அகாஸி-வால்ட்ச்கோவ் ஆகியோருக்கும்இடையே இந்த ஆட்டங்கள் நடைபெறுகின்றன.