For Daily Alerts
Just In
சாதனை படைத்தார் சாம்ப்ராஸ்
லண்டன்:
அமெரிக்காவின் பீட் சாம்ப்ராஸ் புதிய உலக சாதனை படைத்துள்ளார். இதுவரை 13 கிரான்ட் ஸ்லாம் பட்டங்களை வென்றுள்ள சாம்ப்ராஸ், இதுவரை 12பட்டங்களை வென்று சாதனை படைத்திருந்த ஆஸ்திரேலியாவின் ராய் எமர்சனை பின்னுக்குத் தள்ளியுள்ளார்.
சாம்ப்ராஸுக்குக் கிடைக்கும் 7-வது விம்பிள்டன் பட்டமாகும் இது. ஞாயிற்றுக்கிழமை நடந்த ஆடவர் ஒற்றையர் இறுதிப் போட்டியில், பாட்ரிக்ராப்டரை, 6-7 (12-10), 7-6 (7-5), 6-4, 6-2 ஆகிய இழுபறி செட்களில் சாம்ப்ராஸ் வீழ்த்தினார்.
7 விம்பிள்டன் பட்டங்களை வென்றுள்ள மற்றொரு வீரர் இங்கிலாந்தின் வில்லியம் ரென்ஷா ஆவார். தற்போது அவருடன் சாம்ப்ராஸும் சேர்ந்துளளார்.
விம்பிள்டன் இறுதிப் போட்டியில் இதுவரை சாம்ப்ராஸ் தோற்றதில்லை என்பது குறிப்பிடத்தக்கது. இந்த வெற்றி மூலம் சாம்ப்ராஸுக்கு 7,25,000டாலர் பரிசுத் தொகை கிடைத்தது.
Comments
Story first published: Monday, July 10, 2000, 5:30 [IST]