வில்வித்தை: தென் கொரிய ஆண்கள் அணிக்குத் தங்கம்
சிட்னி:
வில்வித்தைப் போட்டியில் ஆண்களுக்கான அணிப் பிரிவில் தென் கொரியா தங்கப்பதக்கம் வென்றது.
வெள்ளிக்கிழமை நடைபெற்ற இப் போட்டியில் தென் கொரிய அணி 255-247 என்றபுள்ளிகள் கணக்கில் இத்தாலி அணியைத் தோற்கடித்தது.
இதன் மூலம் கடந்த ஆண்டு நடைபெற்ற உலக சாம்பியன்ஷிப் போட்டியில் இத்தாலியிடம்தோற்றதற்கு தென் கொரிய அணி பழிதீர்த்துக் கொண்டது.
இத்தாலி அணிக்கு வெள்ளிப் பதக்கமும், அமெரிக்க அணிக்கு வெண்கலப் பதக்கமும்கிடைத்தன. மூன்றாவது இடத்துக்கு நடந்த போட்டியில் அமெரிக்காவும் ரஷ்யாவும் தலா239 புள்ளிகள் எடுத்தன.
இதையடுத்து டைபிரேக்கர் முறை கடைப்பிடிக்கப்பட்டது. இதில் 29-26 என்ற புள்ளிகள்கணக்கில் அமெரிக்கா வென்று வெண்கலம் வென்றது.
இப் போட்டியில் தங்கம் வென்றதன் மூலம் வில்வித்தைப் போட்டியில் இதுவரைவழங்கப்பட்ட 4 தங்கப் பதக்கங்களில் 3 தங்கத்தை தென்கொரியா வென்றுள்ளது.
ஏற்கெனவே பெண்கள் தனிநபர் மற்றும் பெண்கள் அணிப் பிரிவுக்கான தங்கப் பதக்கத்தைஅந் நாடு வென்றது என்பது குறிப்பிடத்தக்கது.