மல்யுத்தம்: ரஷ்யாவுக்கு மேலும் இரு தங்கப் பதக்கங்கள்
சிட்னி:
சிட்னி ஒலிம்பிக்கில் மல்யுத்தப் போட்டியில் ரஷ்யாவுக்கு சனிக்கிழமை மேலும் இருதங்கப் பதக்கங்கள் கிடைத்தன. இத்துடன் சேர்த்து மல்யுத்தத்தில் ரஷ்யாவுக்கு கிடைத்ததங்கப் பதக்கங்களின் எண்ணிக்கை 4 ஆக உயர்ந்தது.
97 கிலோ, 76 கிலோ, 63 கிலோ, 54 கிலோ எடைப் பிரிவுகளில் சனிக்கிழமை இறுதிப்போட்டிகள் நடைபெற்றன. இதில் 97 கிலோ மற்றும் 63 கிலோ எடைப் பிரிவுகளில்ரஷ்ய வீரர்கள் தங்கப் பதக்கங்கள் வென்றனர்.
76 கிலோ பிரிவில் ஜெர்மனி வீரரும், 54 கிலோ எடைப் பிரிவில் அஜர்பைஜான்வீரரும் தங்கம் வென்றனர்.
97 கிலோ எடைப் பிரிவில் ரஷ்யாவின் சாஜித் மோர்டாசலியேவ் 6-0 என்ற புள்ளிகள்கணக்கில் கஸகிஸ்தானின் இஸ்லாம் பெய்ரமுகோவைத் தோற்கடித்தார்.
76 கிலோ எடைப் பிரிவில் ஜெர்மனியின் அலெக்சாண்டர் லிபோல்ட் 4-0 என்றபுள்ளிகள் கணக்கில் அமெரிக்காவின் பிரான்டன் ஸ்லேவைத் தோற்கடித்தார்.
63 கிலோ எடைப் பிரிவில் ரஷ்யாவின் மெளரத் உமாகானோவ் 3-2 என்ற புள்ளிகள்கணக்கில் பல்கேரியாவின் செராஃபிம் பார்ஸகோவைத் தோற்கடித்து தங்கம்வென்றார்.
54 கிலோ எடைப் பிரிவில் அஜர்பைஜான் வீரர் நாமிக் அப்துல்லாயேவ் 4-3 என்றபுள்ளிகள் கணக்கில் அமெரிக்காவின் சாமுவேல் ஹென்சனைத் தோற்கடித்து தங்கப்பதக்கம் வென்றார்.