மே.இ. தீவு அணியில் பிரகாசிப்பாரா ராம்நரேஷ் ஷர்வான்?
மெல்பெர்ன்:
மேற்கிந்தியத் தீவுகள் கிரிக்கெட் அணியில் ஒரு நம்பிக்கை நட்சத்திரமாக உருவாகிவருகிறார் ராம் நரேஷ் ஷர்வான். இவர் இந்திய வம்சாவழியைச் சேர்ந்தவர் என்பதுகுறிப்பிடத்தக்கது.
சமீபத்தில் மேற்கிந்திய தீவுகள் அணியில் இடம் பெற்ற இவரது ஆட்டத்தைப் பார்த்து,மேற்கிந்தியத் தீவுகள் அணியின் முன்னாள் கேப்டனான ரோஹன் கன்ஹாயைப் போல்எதிர்காலத்தில் பிரகாசிப்பார் என்று பத்திரிக்கைகளும், கிரிக்கெட் வல்லுனர்களும்கருத்துத் தெரிவித்துள்ளனர்.
20 வயதான ஷர்வான் உள்பட மேற்கிந்தியத் தீவுகள் அணியைச் சேர்ந்த 4 வீரர்கள்ஆஸ்திரேலியாவில் அடிலெய்டு நகரில் உள்ள ஆஸ்திரேலிய கிரிக்கெட் அகாதெமியில்பயிற்சி பெற்று வருகின்றனர்.
அங்கு அவர்கள் பெறும் பயிற்சியை வைத்தும், ஆடிய பயிற்சி ஆட்டங்களைவைத்தும் எதிர்காலத்தில் ஷர்வான் மிகச் சிறந்த ஆட்டக்காரராக வருவார் என்று பலர்கருத்து தெரிவித்துள்ளனர்.
விரைவில் ஆஸ்திரேலியாவில் டெஸ்ட் தொடரில் மேற்கிந்தியத் தீவுகள் அணிவிளையாடவுள்ளது. அதற்கு முன்னோட்டமாக இந்த வீரர்களை ஆஸ்திரேலியாவில்பயிற்சி பெற மேற்கிந்தியத் தீவுகள் அனுப்பியுள்ளது.
இந்திய வம்சாவழியைச் சேர்ந்த ஷர்வானின் மூதாதையர்கள் பல ஆண்டுளுக்குமுன்பே இந்தியாவிலிருந்து வெளியேறி கயானாவில் குடியேறிவிட்டனர் என்பதுகுறிப்பிடத்தக்கது.
மேற்கிந்தியத் தீவுகள் அணியில் கடைசியாக இடம் பெற்றுள்ள இந்தியவம்சாவழியைச் சேர்ந்த வீரர் என்ற பெருமையை ஷர்வான் பெற்றுள்ளார். அவருக்குமுன்பாக மேற்கிந்தியத் தீவுகள் அணியில் இடம் பெற்ற ஷிவ்நாராயன் சந்தர்பால்,அந்த அணியில் முக்கிய வீரராகக் கருதப்படுகிறார்.
ஷர்வானைப் போலவே ஆஸ்திரேலியாவுக்குப் பயிற்சி பெற வந்துள்ளவர்களில்டாரென் கங்காவும் ஒருவர். இவரும் இந்திய வம்சாவழியைச் சேர்ந்தவர்தான்.கயானாவில் வசிக்கும் இந்திய வம்சாவழியைச் சேர்ந்த இவர், மேற்கிந்தியத் தீவுகள்அணிக்காக 4 டெஸ்டுகளில் விளையாடியுள்ளார்.
இவர்களைத் தவிர மேலும் பல இந்திய வம்சாவழியைச் சேர்ந்த வீரர்கள் மேற்கிந்தியத்தீவுகள் இடம் பெறும் முயற்சியில் ஈடுபட்டுள்ளனர். செவ்நாராயன் சட்டர்கூன், ஜாஹீர்ரியாஸ் லீ, அனில் பல்லிராம், நார்சிங் தியோநாரீன், சுரூஜ் ரகுநாத் ஆகியோரும்உள்நாட்டுக் கிரிக்கெட்டில் சிறப்பாக விளையாடி வருகின்றனர்.
ஐ.ஏ.என்.எஸ்.