திராவிடுக்கு கையில் காயம் .. ஷார்ஜா செல்கிறார் கைஃப்

ஷார்ஜா:

ராகுல் திராவிடுக்கு இடது கையில் எலும்பு முறிவு ஏற்பட்டுள்ளதை அடுத்துஅவருக்குப் பதிலாக விளையாட முகம்மது கெய்ஃப் ஷார்ஜா செல்கிறார்.

ஷார்ஜா கோப்பைக்காக ஜிம்பாப்வேக்கு எதிராக திங்கள்கிழமை நடந்த ஆட்டத்தில்திராவிட்டின் இடது கை விரலில் எலும்பு முறிவு ஏற்பட்டது.

அவரைப் பரிசோதித்த டாக்டர்கள், அவர் தொடர்ந்து விளையாட முடியாது என்றும்,ஓய்வெடுக்கவேண்டும் என்றும் கூறினர்.

இதையடுத்து அவருக்குப் பதிலாக இந்திய அணியில் விளையாட 19வயதுக்குட்பட்டோருக்கான இந்திய அணியின் கேப்டன் முகம்மது கெய்ஃப்புதன்கிழமை ஷார்ஜா புறப்பட்டுச் செல்கிறார்.

ஷார்ஜா கிரிக்கெட்டில் இந்தியா இன்னும் இரு தகுதிச் சுற்று ஆட்டங்களில் விளையாடஉள்ளது. அவற்றில் வென்றால் இந்தியா இறுதிச் சுற்றுக்குத் தகுதி பெறும்.

திராவிடை அடுத்து கும்ளேவுக்கும் தோல்பட்டையில் வலி ஏற்பட்டுள்ளது. அவருக்குச்சிகிச்சை அளிக்கப்பட்டு வருகிறது.

தொடக்க ஆட்டக்காரராக களமிறங்கி விளையாடி வந்த கேப்டன் கங்குலி, இனிமத்திய நிலை ஆட்டக்காரராக விளையாட முடிவு செய்துள்ளார்.

இதையடுத்து அடுத்து இந்தியா விளையாட உள்ள ஆட்டங்களில் டெண்டுல்கருடன்தமிழக வீரர் எஸ். ஸ்ரீராம் தொடக்க ஆட்டக்காரராக களமிறங்குவார் என்றுஎதிர்பார்க்கப்படுகிறது.