வலம்புரி ஜான் மகள் திருமணம்

சென்னை:

முன்னாள் எம்.பி.வலம்புரி ஜான் மகள் திருமணம் வரும் 3 ம் தேதி ஞாயிற்றுக்கிழமை சென்னையில் நடக்கிறது.

முதல்வர் கருணாநிதி, தமிழ் மாநில காங்கிரஸ் தலைவர் மூப்பனார் ஆகியோர் கலந்து கொண்டு மணமக்களை வாழ்த்துகிறார்கள்.

முன்னாள் எம்.பி.யும், எழுத்தாளருமான வலம்புரி ஜான் மகள் இம்மாக்குலேட் மேரிக்கும் திருநெல்வேலியைச் சேர்ந்த ஜேசுதாமசுக்கும் திருமணம்நிச்சயிக்கப்பட்டுள்ளது.

திருமணம் வரும் 3 ம் தேதி ஞாயிற்றுக்கிழமை சென்னை ஆர்மேனியன் தெருவில் உள்ள புனித மரியன்னை இணைப் பேராலயத்தில் நடக்கிறது.

திருமணத்தன்று மாலை 6 மணிக்கு சென்னை எழும்பூர் இம்பிரியல் ஹோட்டலில் வரவேற்பு நிகழ்ச்சி நடக்கிறது. இதில் முதல்வர் கருணாநிதி கலந்து கொண்டுமணமக்களை வாழ்த்திப் பேசுகிறார். கல்வி அமைச்சர் அன்பழகன் தலைமை தாங்குகிறார்.

அமைச்சர் ஆற்காடு வீராசாமி, மேயர் மு.க.ஸ்டாலின் ஆகியோர் முன்னிலை வகிக்கிறார்கள். இரவு 7 மணிக்கு இசை அமைப்பாளர் கங்கை அமரனின்இன்னிசை கச்சேரி நடக்கிறது.