நியூயார்க் மேயராவாரா கிளின்டன்?
வாஷிங்க்டன்:
அமெரிக்க அதிபர் பில் கிளின்டன் பதவியில் இருந்து ஓய்வு பெற்றதும் நியூயார்க் நகர மேயர் பதவிக்குப்போட்டியிடுவார் என்று கூறப்படுகிறது.
அமெரிக்க அதிபராக இருக்கும் கிளின்டனின் பதவிக்காலம் ஜனவரி மாதம் 20 ம் தேதியுடன் முடிவடைகிறது.அதற்குப்பிறகு அவர் என்ன செய்யப் போகிறார் என்ற கேள்வி எழுந்துள்ளது.
இதற்கு விடை காணும் ஆர்வத்தில் அமெரிக்க பத்திரிக்கைகள் தீவிர ஆய்வில் இறங்கியுள்ளன.
மனைவி ஹிலாரி நியூயார்க்கில் இருந்து செனட் உறுப்பினர் ஆனது போல் அவரும் நியுயார்க் நகர மேயர் ஆகத்திட்டமிட்டு இருக்கிறார் என்று வதந்திகள் வெளியாகின.
இதுகுறித்து கிளின்டனிடம் கேட்டபோது, அவ்வளவு சீக்கிரத்தில் இன்னொரு பொறுப்புக்கு வருவதாக இல்லைஎனறு அவர் கூறினார்.
தன்மீது கொண்டு வரப்பட இருந்த கண்டனத் தீர்மானம் பற்றிய பிரச்சனையைப் புத்தகமாக எழுதுவதில் நேரத்தைச்செலவிடுவேன் என்று முன்பே கூறியிருக்கிறேன்.
எதிர்காலத் திட்டம் பற்றி வெளிப்படையாக அவர் எதுவும் கூறவில்லை.