யு.எஸ்.சில் சிறுநீரக ஆபரேஷனுக்கு எவ்வளவு செலவாகும்?
ஜெய்ப்பூர்:
சிறுநீரகம் மற்றும் கணைய மாற்று அறுவை சிகிச்சைக்கு, அமெரிக்காவில் 70,000 டாலர்கள் செலவாகும் என்றுஅமெரிக்காவைச் சேர்ந்த இந்திய டாக்டர் ராஜகோபாலன் தெரிவித்தார்.
கலியபோர்னியாவைச் சேர்ந்த அறுவை சிகிச்சை நிபுணரும், ஆசிய சுகாதார நல கழகத் தலைவருமானராஜகோபாலன் ராஜஸ்தான் மாநிலம் ஜெய்ப்பூரில் நடந்த கருத்தரங்கில் பேசுகையில், அமெரிக்காவில் சிறுநீரகம்மற்றும் கணைய மாற்று அறுவை சிகிச்சைக்கு அதிக செலவாகும். சிறுநீரக மாற்று அறுவை சிகிச்சைக்கு மட்டும் 40,000 டாலர்கள் செலவாகும்.
மூளை பாதிக்கப்பட்ட நிலையில் எவ்வித செயலையும் செய்ய முடியாத ஒருவரின் உடலிலிருந்து சிறுநீரகம்மட்டுமல்லாது எந்த உறுப்புக்களை வேண்டுமானாலும் அறுவை சிகிச்சை மூலம் எடுத்து வேறொரு நபருக்குஉபயோகப்படுத்திக் கொள்ளலாம் என்று அமெரிக்க அரசியல் சட்டத்தில் உள்ளது.
கடந்த 40 ஆண்டுகளில் அமெரிக்காவில் செய்யப்படும் சிறுநீரக அறுவை சிகிச்சை மிகப்பெரிய வெற்றியைஅடைந்துள்ளது. அதாவது 80 சதவீத அறுவை சிகிச்சைகளுக்கு வெற்றி கிடைத்துள்ளது என்றார் அவர்.
கருத்தரங்கில் பேசிய எஸ்.எம்.எஸ்.கல்லூரி பேராசிரியரும், டாக்டருமான சர்மா கூறுகையில், இந்தியாவில் சிறுநீரகமாற்று அறுவை சிகிச்சைகள் மிகவும் குறைவாகவே நடக்கிறது. மேலும் மூளை பாதிக்கப்பட்ட ஒருவரின், உடல்உறுப்புக்களை அறுவை சிகிச்சை மூலம் அகற்றிப் பயன்படுத்த வேண்டும் என்பது இந்திய சட்டத்தில் இல்லை.
தமிழகம் மற்றும் மகாராஷ்டிரா மாநிலங்களில் சிறுநீரக அறுவை சிகிச்சைகள் முறையாகச் செய்யப்படுகின்றனஎன்றார் டாக்டர் சர்மா.
யு.என்.ஐ.