வருமான வரியில் சலுகை
டெல்லி:
மாத ஊதியம் வாங்குவோருக்கு வருமான வரியில் சிறிய அளவில் சலுகை அளிக்கப்பட்டுள்ளது.
ரூ. 60,000 வரை ஆண்டு வருமானம் உள்ளவர்களுக்கு கூடுதல் வருமான வரி (சர்சார்ஜ்) ஏதும் விதிக்கப்படாது. ரூ. 60,000 முதல்ரூ. 2,00,000 வரை ஆண்டு வருமானம் உள்ளவர்களுக்கு 12.82 சதவீத வருமான வரி விதிக்கப்பட்டுள்ளது. இது இப்போது உள்ளவருமான வரியை விட சிறிது குறைவாகும்.
இதனால், ரூ. 2 லட்சம் ஆண்டு வருமானம் உள்ளவர்கள் ரூ. 34,680 வருமான வரியாக கட்ட வேண்டியிருக்கும். பழைய வரிவிகிதத்தின்படி பார்த்தால் வரி ரூ. 39,780 ஆக இருக்கும்.
புதிய வருமான வரி விகிதம்:
ரூ. 50,000 வரை ஆண்டு வருமானம் உள்ளவர்களுக்கு வரி ஏதும் இல்லை.
ரூ. 50,000 முதல் ரூ. 60,000 வரை ஆண்டு வருமானம் உள்ளவர்கள் 10 சதவீதம் வருமான வரி செலுத்த வேண்டும்.
ரூ. 60,000 முதல் ரூ. 1.50 லட்சம் வரை ஆண்டு வருமானம் உள்ளவர்கள் 20 சதவீதம் வருமான வரியும், 2 சதவீதம் கூடுதல்வரியும் செலுத்த வேண்டும்.
ரூ. 1.50 லட்சத்துக்க அதிகமான ஆண்டு வருமானம் உள்ளவர்கள் 30 சதவீதம் வரியும், 2 சதவீதம் கூடுதல் வரியும் செலுத்தவேண்டும்.
நேரடி வரிகள் மூலம் மட்டும் ரூ. 85,275 கோடி நிதி திரட்ட திட்டமிடப்பட்டுள்ளது. கடந்த ஆண்டு இது ரூ. 72,105 கோடியாகஇருந்தது.