• search
For Quick Alerts
ALLOW NOTIFICATIONS  
For Daily Alerts

விமானத் தயாரிப்பில் புதிய சாப்ட்வேர் "ஆட்டோலே"

By Staff
|

பெங்களூர்:

ஏர்பஸ் நிறுவனத்தின் புதிய ஜம்போ ஏ380 விமானத் தயாரிப்பில் "ஆட்டோலே" என்ற புதிய சாப்ட்வேர்பயன்படுத்தப்படுகிறது.

விமானத்தின் எடையை எவ்வளவுக்கு எவ்வளவு குறைக்கிறோமோ அவ்வளவுக்கவ்வளவு அது விமானத்திற்குநல்லது. இதன் அடிப்படையில்தான் தற்போது விமானங்கள் தயாரிக்கப்படுகின்றன.

விமானத்தின் பாடிதான் (அதாவது உடல் அமைப்புதான்) விமானத்தின் எடையைக் கூட்டவோ குறைக்கவோசெய்யும். அதனால், எடை குறைவான பொருளைப் பயன்படுத்தி இந்த உடல் அமைப்பை அமைத்தாலே,விமானத்தின் எடை குறைந்து விடும்.

இப்பொருள்களின் தயாரிப்பில்தான் "ஆட்டோலே" சாப்ட்வேர் பயன்படுத்தப்படுகிறது. எந்தெந்த விகிதத்தில்பொருள்களைக் கலந்தால், விமானத்தின் உடலுக்குத் தேவையான லேசான பொருள் கிடைக்கும் என்பதைக் கூட்டிக்கழித்து, பெருக்கி வகுத்து, இந்த சாப்ட்வேர் கணித்துச் சொல்லிவிடும்.

அதற்குத் தக்கவாறு பொருள்களைக் கலந்தால், விமானத்தின் உடல் பாகத்திற்குத் தேவையான லேசான பொருள்கிடைத்துவிடும். பிறகென்ன? லேசான உடலமைப்பு கொண்ட விமானமும் தயாராகி விடும்.

இப்படி விமானத்தின் எடையைக் குறைத்து விட்டால், விமானம் வேகமாகப் பறக்கும்தானே? மேலும், எடைகுறைவதால் விமானத்தின் அளவையும், அதாவது நீளத்தையும், பெரிதாக்கலாம் அல்லவா?

இந்த விஷயத்தில் ஜம்போ போன்ற பெரிய விமானங்களைத் தயாரிப்பதற்கு இந்த "ஆட்டோலே" சாப்ட்வேர் எந்தஅளவுக்குத் துணைபுரியும் என்று இப்போது சொல்லாமலே தெரிந்துவிடும்.

அதனால்தான், ஏர்பஸ் நிறுவனத்தினர் தாங்கள் தயாரிக்கவிருக்கும் புதிய ஜம்போ ஏ380 ரக பிரம்மாண்டமானவிமானத்திற்கு "ஆட்டோலே"யைப் பயன்படுத்த முடிவு செய்துள்ளனர்.

பெங்களூரில் உள்ள "அடா" என்ற விமான வளர்ச்சி ஏஜென்சிதான் இந்த "ஆட்டோலே" சாப்ட்வேரைஅறிமுகப்படுத்தியுள்ளது.

"ஆட்டோலே"யைப் பயன்படுத்தி விமானங்கள் தயாரிப்பதால், ஏகப்பட்ட நேரம் மிச்சமாகிறதாம்.பயன்படுத்தப்படும் பொருள்களின் தரமும் கூடுகிறதாம். இன்னும் சொல்லப் போனால், சாதாரணமாக ஒரு விமானம்தயாரிக்கப்படுவதற்கு ஆகும் காலத்தைவிட, 6 முதல் 8 மாதங்களுக்கு முன்னதாகவே வேலையை முடித்துவிடலாமாம்.

கிட்டத்தட்ட 70 சதவிகித நேரம் மிச்சமாகும் என்றும் கணக்கிட்டுள்ளனர். இதனால், சர்வதேச மார்க்கெட்டில்"ஆட்டோலே"க்கு ஏகப்பட்ட டிமாண்ட் என்று கூறப்படுகிறது.

விமானம் தயாரிப்பதில் மட்டுமில்லாமல், கப்பல் கட்டுமானத்திலும் விளையாட்டுப் பொருள்கள் தயாரிப்பிலும்கூட "ஆட்டோலே"யைப் பயன்படுத்த முடியும் என்று "அடா"வின் திட்ட இயக்குநர் கோட்டா ஹரிநாராயணாகூறினார்.

யு.என்.ஐ.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more