மூப்பனாருக்கு இன்று 71 வயது
சென்னை:
தமிழ் மாநில காங்கிரஸ் தலைவர் மூப்பனாரின் 71வது பிறந்த நாள் விழா இன்று கொண்டாடப்படுகிறது.
தமிழக முதல்வர் ஜெயலலிதா, திமுக தலைவர் கருணாநிதி உள்பட ஏராளமான அரசியல் தலைவர்களும்நண்பர்களும் மருத்துவமனைக்குச் சென்று, மூப்பனாரின் உடல்நிலையை விசாரித்து அறிந்தனர். ஜனாதிபதிகே.ஆர். நாராயணனும், பிரதமர் வாஜ்பாயும் கூட தொலைபேசி மூலமாக அவருடைய உடல்நலம் விசாரித்தனர்.
இந்நிலையில், மூப்பனாருக்கு இன்று 71வது வயது பிறந்துள்ளது. அவருடைய பிறந்த நாளை தமிழகம் முழுவதும்தமாகாவினர் கொண்டாடி வருகின்றனர்.
சென்னையில், மூப்பனார் பிறந்த நாளை முன்னிட்டு சிறப்பு ரத்த தான முகாம் நடைபெற்றது. முன்னாள் மத்தியஅமைச்சர் இந்த ரத்த தான முகாமைத் துவக்கி வைத்தார். சோ. பாலகிருஷ்ணன், பீட்டர் அல்போன்ஸ் உள்படதமாகா தலைவர்கள் இம்முகாமில் கலந்து கொண்டனர்.
கீழ்ப்பாக்கம் அரசு மருத்துவமனையில் சிகிச்சை பெற்று வரும் மனநோயாளிகளுக்கு, தமாகாவின் சார்பில்அன்னதானம் வழங்கும் விழாவும் நடந்தது.
மூப்பனாருக்குப் பிறந்த நாள் வாழ்த்து அனுப்பியுள்ளார் ஜெயலலிதா. "மதச் சார்பற்ற அரசியலில் மூப்பனாரின்பங்கு மகத்தானது. அவர் விரைவில் உடல் நலம் பெற வேண்டும் என்று வாழ்த்துகிறேன்" என்று அவர் தன்னுடையவாழ்த்துச் செய்தியில் கூறியுள்ளார்.