யு.எஸ். ஓபன்: வில்லியம்ஸ் சகோதரிகள் சாதனை
நியூயார்க்:
அமெரிக்காவில் நடைபெற்று வரும் யு.எஸ்.ஓபன் டென்னிஸ் போட்டியில் வீனஸ் வில்லியம்ஸ் மற்றும் அவரதுதங்கை செரீனா வில்லியம்ஸ் ஆகியோர் இறுதிப் போட்டிக்குத் தகுதி பெற்றுள்ளனர். யு.எஸ். ஓபன் டென்னிஸ்போட்டிகளின் 117 ஆண்டுகால வரலாற்றில் ஒரே குடும்பத்தைச் சேர்ந்த 2 பேர் இறுதிப் போட்டிக்கு வருவதுஇதுவே முதல் முறையாகும்.
இந்நிலையில் 10ம் நிலையில் இருந்த அவரது தங்கை செரீனா சுவிட்சர்லாந்து வீராங்கனை மார்டினா ஹிங்கிசைசெமி பைனலில் தோற்கடித்து, இறுதிப் போட்டிக்கு முன்னேறியுள்ளார். இவர் 6-3, 6-2, 5-3 என்ற நேர் செட்களில்ஹிங்கிசை வீழ்த்தினார்.
மற்றொரு செமி பைனலில், ஜெனிபர் கேப்ரியாட்டியைத் தோற்கடித்து இறுதிப் போட்டிக்குள் நுழைந்துள்ளார்வீனஸ் வில்லியம்ஸ்.
இதுகுறித்து வீனசிடம், "உங்கள் தங்கை இறுதிப் போட்டிக்குள் நுழைந்து விட்டார் என்பதால் உங்களுக்கும் அந்தவெறி ஏற்பட்டதா?" என்று நிருபர்கள் கேட்டனர். அதற்கு அவர், "அப்படி இல்லை. எல்லா மேட்ச்சுகளிலும் வெல்லவேண்டும் என்பது தான் எனது நோக்கம். ஆனால் என் தங்கையும் இறுதிப் போட்டிக்குள் நுழைந்தது குறித்துஎனக்கு மகிழ்ச்சி தான்" என்றார்.
தங்களது சிறப்பான மற்றும் விரைவான ஆட்டத்தால் இறுதிப் போட்டிக்குள் நுழைந்து இருக்கும் வில்லியம்ஸ்சகோதரிகளின் கையில் யு.எஸ். ஓபன் 2001 டென்னிஸ் கோப்பை மிளிர்ந்து கொண்டிருக்கிறது.