தரைமட்டமான 110 மாடிக் கட்டடத்தின் வயது 30
நியூயார்க்:
நியூயார்க்கில் விமானத்தால் மோதித் தாக்கப்பட்டு, தரைமட்டமான 110 மாடி கொண்ட உலக வர்த்தக மையக்கட்டடம் 1972ல் கட்டப்பட்டது. 2வது கட்டடம் 1973ல் கட்டப்பட்டது.
இந்த கட்டிடங்களை கட்டுவதற்கு அப்போது 40 கோடி அமெரிக்க டாலர்கள் செலவாகியது (இந்திய மதிப்பில் ரூ1,760 கோடி). போர்ட் டிரஸ்ட் ஆப் நியூயார்க், போர்ட் டிரஸ்ட் ஆப் நியூஜெர்சி போன்ற நிறுவனங்கள்தான் இந்த 2கட்டடங்களையும் கட்டின.
உலக வர்த்தக அரங்கில் இந்த வர்த்தக மையம் முக்கியமானதாக கருதப்படுகிறது. இந்த 2 கட்டடங்களுக்கும்தினமும் 1,50,000 பேர் வந்து செல்கின்றனர் என்று புள்ளி விவரங்கள் தெரிவித்தன.
மேலும் தரைமட்டமான அந்தக் கட்டடத்தில் 5,000 குடும்பங்களும் வசித்து வந்ததாகக் கூறப்படுகிறது.
தாக்குதலுக்குப் பின்னர், தப்பிக்க நினைத்த பலர், ஜன்னல்களிலிருந்து அந்தரத்தில் தாவிக் குதித்து வெளியேவிழுந்தனர். சில வினாடிகளிலேயே அந்தக் கட்டடம் "பொல பொல"வென்று நொறுங்கி விழுந்தது.