India
  • search
For Quick Alerts
ALLOW NOTIFICATIONS  
For Daily Alerts
Just In
Oneindia App Download

நேரடி நெல் கொள்முதல் நிலையங்கள் மூடல் ஏன்? - ஜெ. விளக்கம்

By Staff
Google Oneindia Tamil News

சென்னை:

அரசியல் காழ்ப்புணர்ச்சி காரணமாகவே, விவசாயிகள் உற்பத்தி செய்யும் நெல் முழுவதையும் அரசே கொள்முதல்செய்ய வேண்டும் என்பதுபோல் சிலர் கூறி வருவதாக தமிழக முதல்வர் ஜெயலலிதா இன்று (புதன்கிழமை)கூறினார்.

தமிழகத்தில் நேரடி நெல் கொள்முதல் நிலையங்கள் மூடப்பட்டது குறித்து ஜெயலலிதா இன்று வெளியிட்டுள்ளஅறிக்கையில் கூறியுள்ளதாவது:

பொது விநியோகத் தேவைக்கு மட்டுமே கொள்முதல் செய்ய வேண்டும் என்பது அரசு நியதி. ஆனால் விவசாயிகள்நலன் கருதி தரம் மற்றும் ஈரப்பத தளர்வுகள் செய்து தேவைக்கு அதிகமாகவே நெல் கொள்முதல்செய்யப்பட்டுள்ளது.

எனினும் விவசாயிகளின் நலனில் அரசு அக்கறை காட்டாதது போலவும், அவர்கள் உற்பத்தி செய்யும் நெல்முழுவதையும் கொள்முதல் செய்ய வேண்டியது அரசின் கடமை என்பது போலவும் சிலர் கூறி வருவது அரசின்காழ்ப்புணர்ச்சியே தவிர வேறொன்றும் இல்லை.

முந்தைய திமுக ஆட்சிக் காலத்தில் நெல் கொள்முதல் செய்யப்பட்டபோது, விவசாயிகள் வேறு எங்கும் நெல்லைஎடுத்துச் செல்ல முடியாதபடி தடைகள் இருந்தன.

ஆனால் வெளி மாநிலங்களுக்கு நெல்லோ அல்லது அரிசியோ கொண்டு செல்வதற்குப் பல ஆண்டுகளாக இருந்ததடையை அதிமுக அரசுதான் தற்போது நீக்கியுள்ளது என்பதையும் வியாபாரிகளின் நெல்-அரிசி கையிருப்புகளைஇரட்டிப்பாக்கி உத்தரவிட்டதும் நாங்கள்தான் என்பதையும் மக்கள் நன்கு அறிவர்.

விவசாயிகளின் நலனில் அக்கறை கொண்டதால்தான், மார்ச் 15ம் தேதி கொள்முதல் நிலையங்களுக்குக் கொண்டுவரப்பட்ட அனைத்து நெல் மூட்டைகளையும் கொள்முதல் செய்ய வேண்டுமென்று உத்தரவிட்டோம். அதற்கானபணிகளும் நடந்து வருகின்றன.

மேலும் வரும் 15ம் தேதி வரை வட்டக் கிடங்குகளில் நெல் கொள்முதல் செய்யவும் உத்தரவிட்டுள்ளேன்.

கடந்த ஆட்சியில் படு பாதாளத்துக்குத் தள்ளப்பட்ட விவசாயிகளைக் கைதூக்கி விடப்படும்நடவடிக்கைகளைத்தான் அதிமுக ஆட்சி மேற்கொண்டுள்ளது என்பதை விவசாயிகளுக்கும் மக்களுக்கும்தெரிவித்துக் கொள்கிறேன் என்று அவ்வறிக்கையில் ஜெயலலிதா கூறியுள்ளார்.

Mail this to a friend  Post your feedback  Print this page 

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X