தமிழக பா.ஜ.க. தலைவர் விரைவில் மாற்றம்?
சென்னை:
அகில இந்திய பாரதீய ஜனதாக் கட்சித் தலைவர் பதவியில் மாற்றம் செய்ததைப் போலவே தமிழக பா.ஜ.க. தலைவர்கிருபாநிதியையும் மாற்ற அகில இந்திய பா.ஜ.க. தலைமை முடிவு செய்துள்ளதாக கூறப்படுகிறது.
அகில இந்திய பா.ஜ.க. தலைவராக இருந்து வந்த ஜனா கிருஷ்ணமூர்த்தி அப்பதவியிலிருந்து அகற்றப்பட்டுவிட்டார். அவர் தற்போது மத்திய சட்டத்துறை அமைச்சராகியுள்ளார்.
இதேபோலவே தமிழக பா.ஜ.க. தலைவரையும் மாற்ற வேண்டும் என சிலர் கோரிக்கை விடுத்துள்ளனர்.
தமிழக பா.ஜ.க. தலைவராக கிருபாநிதி உள்ளார். தமிழக பா.ஜ.க.வின் முதல் தலித் தலைவர் என்ற பெயர் இவருக்குஉள்ளது. கிருபாநதியின் சமீப காலப் போக்கினால் பா.ஜ.கவில் ஒரு தரப்பினர் பெரும் அதிருப்தியில் உள்ளனர்.குறிப்பாக பொதுச் செயலாளர் இல. கணேசன் கடும் அதிருப்தியில் உள்ளதாக கூறப்படுகிறது.
திமுகவுக்கு விரோதமான போக்கை கிருபாநிதி கடைப்பிடித்து வருகிறார். தனது மனதுக்கேற்றபடி செயல்படுகிறார்.கட்சியின் அனைத்துத் தரப்பினரையும் அரவணைத்து செல்வதில்லை. கஷ்டப்பட்டு சேர்த்த கட்சித் தொண்டர்களைஇவரது நடவடிக்கையால் இழந்து விட நேரிடலாம் என்ற எண்ணம் கட்சிக்குள் உள்ளது.
எனவே ஜனாவை மாற்றிய கையோடு, கிருபாநிதியையும் மாற்ற வேண்டும் என்று இந்த எதிர்ப்பாளர்கள் கட்சித்தலைமையின் காதுக்கு கொண்டு சென்றுள்ளனராம்.
கிருபாநிதியின் பதவி விரைவில் பறிக்கப்படும் என்று தெரிகிறது. அப்படி பறிக்கப்பட்டால் அடுத்த தலைவராகும்வாய்ப்பு கோவை எம்.பியான சி.பி. ராதாகிருஷ்ணனுக்குக் கிடைக்கலாம் என்றும் பேசப்படுகிறது.
-->