3 நாட்களுக்கு "ஜெட் ஏர்வேஸ்" விமான நேரங்கள் மாற்றம்

சென்னை:

"ஜெட் ஏர்வேஸ்" நிறுவனத்தைச் சேர்ந்த விமானங்களின் புறப்படும் நேரங்கள் நவம்பர் 28, 30 மற்றும் டிசம்பர் 1ஆகிய 3 நாட்களுக்கு மட்டும் மாற்றியமைக்கப்பட்டுள்ளன.

அதன்படி நவம்பர் 28ம் தேதியும் 30ம் தேதியும் மும்பையிலிருந்து கோவா செல்லும் விமானம் காலை 6.15மணிக்குப் புறப்பட்டு, காலை 7.15 மணிக்கு கோவா சென்றடையும்.

அதே போல் கோவாவிலிருந்து காலை 7.45 மணிக்குப் புறப்படும் அதே விமானம் காலை 8.45 மணிக்குமும்பையை வந்தடையும்.

இந்த இரு நகரங்களுக்கும் இடையே பறக்கும் மற்றொரு "ஜெட் ஏர்வேஸ்" விமானத்தின் நேரங்களும் வரும்நவம்பர் 30 மற்றும் டிசம்பர் 1 ஆகிய நாட்களில் மாற்றப்பட்டுள்ளன.

அதன்படி அந்த விமானம் பிற்பகல் 2 மணிக்கு மும்பையிலிருந்து கிளம்பும் விமானம் ஒரு மணி நேரத்தில் கோவாசென்றடையும். அதே விமானம் மாலை 5 மணிக்கு கோவாவிலிருந்து புறப்பட்டு மாலை 6 மணிக்கு மும்பையைசென்றடையும்.

இதற்கிடையே பெங்களூர்-கோவா-பெங்களூர் விமானத்தின் நேரமும் மாற்றப்பட்டுள்ளது.

இதன்படி பெங்களூரிலிருந்து பிற்பகல் 1.20 மணிக்குக் கிளம்பும் "ஜெட் ஏர்வேஸ்" விமானம் பிற்பகல் 2.50மணிக்கு கோவா சென்றடையும். பின்னர் கோவாவிலிருந்து 5 மணிக்குக் கிளம்பும் இந்த விமானம் மாலை 6.30மணிக்கு பெங்களூர் சென்று சேரும்.

மேலும் மும்பை-இந்தூர்-மும்பை விமான நேரமும் மாற்றப்பட்டுள்ளது. மும்பையிலிருந்து மாலை 6.40 மணிக்குக்கிளம்பும் இந்த விமானம் இரவு 7.55 மணிக்கு இந்தூரை அடைந்து, பின்னர் அங்கிருந்து இரவு 8.25 மணிக்குக்கிளம்பி இரவு 9.40 மணிக்கு மும்பையை அடையும்.

குறிப்பிட்ட இந்த மூன்று நாட்களிலும் இந்தியக் கடற்படையினர் கண்காட்சி நடத்துவதையொட்டியே இந்த நேரமாற்றங்கள் செய்யப்பட்டுள்ளன என்று "ஜெட் ஏர்வேஸ்" இன்று சென்னையில் வெளியிட்டுள்ள செய்திக்குறிப்பில்தெரிவிக்கப்பட்டுள்ளது.