யூரோ 2004: அரையிறுதியில் நெதர்லாந்து
பாரோ:
யூரோ 2004 கால்பந்தாட்டத்தின் காலிறுதிப் போட்டியில் ஸ்வீடனை வீழ்த்தி நெதர்லாந்து அணி அரையிறுதியில்நுழைந்தது.
மூன்று முறை யூரோ சாம்பியன் வென்ற அணி என்ற பெருமையுடைய ஸ்வீடன் அணி நெதர்லாந்தை வீழ்த்திவிட்டு, அரையிறுதியில் நுழைந்து விடும் என்று எதிர்பார்ப்பு இருந்தது. ஆனால் ஆட்டத்தின் தொடக்கம் முதலேஸ்வீடனுக்கு கடுமையான சவாலை நெதர்லாந்து அளித்து வந்தது.
இரு அணிகளும் வெற்றி பெறும் மூர்க்கத்துடன் உயிரைக் கொடுத்து விளையாடின. ஆட்டத்தின் முடிவு வரை இருஅணிகளும் கோல் போட முடியாதபடிக்கு போட்டி கடுமையாக இருந்தது. இதனையடுத்து ஆட்ட நேரம்நீட்டிக்கப்ட்டது. ஆனால் அப்போதும் ஆட்டம் ஒரு முடிவுக்கு வரவில்லை. இரு அணிகளும் கோல் போடாமல் 0-0என்று சம நிலையில் இருந்தன.
இதனையடுத்து பெனால்டி கார்னர் அறிவிக்கப்பட்டது. பெனால்டி கார்னரில் 5-4 என்ற கோல் கணக்கில்நெதர்லாந்து ஸ்வீடனைத் தோற்கடித்து அரையிறுதிக்குள் நுழைந்தது. இரண்டு மணி நேரம் ஆட்டம் நீடித்தது.
இன்று நடைபெறும் மற்றொரு காலிறுதியில் செக் குடியரசு டென்மார்க்கை எதிர்த்து விளையாடுகிறது.