டெல்லி:வரும் அக்டோபர் மாதம் ஆஸ்திரேலியா கிரிக்கெட் அணி இந்தியாவில் சுற்றுப் பயணம் மேற்கொள்கிறது. பெங்களூரில் அக்டோபர் 6ம் தேதி முதல் டெஸ்ட் தொடங்குகிறது. இரண்டாவது டெஸ்ட் சென்னையில்அக்டோபர் 14ம் தேதியும், மூன்றாவது டெஸ்ட் நாக்பூரில் அக்டோபர் 26ம் தேதியும், நான்காவது டெஸ்ட்மும்பையில் நவம்பர் 3ம் தேதியும் தொடங்குகின்றன. ஆஸ்திரேலியாவின் சுற்றுப்பயணத்தை அடுத்து தென் ஆப்பிரிக்கா அணி இந்தியா வருகிறது. 2 டெஸ்ட்போட்டிகளில் தென் ஆப்பிரிக்கா, இந்தியா அணிகள் மோதுகின்றன. முதல் டெஸ்ட் கான்பூரில் நவம்பர் 20ம்தேதியும், இரண்டாவது டெஸ்ட் கொல்கத்தாவில் நவம்பர் 28ம் தேதியும் தொடங்குகிறது. இத்தகவலை இந்திய கிரிக்கெட் வாரியத் தலைவர் ஜக்மோகன் டால்மியா நிருபர்களிடம் தெரிவித்தார்.