For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஐசிசி: துவக்க ஆட்டத்தில் இந்தியா வெற்றி

By Staff
Google Oneindia Tamil News

சவுதாம்டன்:

ஐ.சி.சி. மினி உலக கோப்பை கிரிக்கெட் தொடரில் இந்தியா தனது முதல் ஆட்டத்தில் கென்யாவை 98 ரன்கள்வித்தியாசத்தில் வீழ்த்தியது.

டாஸ் வென்ற கென்ய கேப்டன் ஸ்டீவ் டிக்கலோ இந்தியாவை பேட் செய்ய அழைத்தார். இந்திய அணியில்ரோஹன் கவாஸ்கருக்குப் பதில் தினேஷ் கார்த்திக் இடம் பெற்றிருந்தார்.

முதல் 5 ஓவர்களில் இந்தியா 7 ரன்களையே எடுத்தது. சேவக் வழக்கம்போல் பொறுப்பற்ற முறையில் ஆடிஒடயோவின் பந்தில் கிளீன் போல்டானார். பின்னர் கங்குலியுடன் ஜோடி சேர்ந்த லட்சுமண் நிதானமாக ரன்களைசேகரிக்கத் தொடங்கினார்.

மெதுவாக ஆட்டத்தைத் தொடக்கிய கங்குலி பின்பு அதிரடிக்கு மாறினார். இருப்பினும் 90 ரன்களை எட்டியநிலையில் அவுட்டானார். லட்சுமண்-கங்குலி ஜோடி இரண்டாவது விக்கெட்டுக்கு 161 ரன்கள் எடுத்தது. அடுத்துவந்த யுவராஜ் சிங் 9 ரன்களுக்கு அவுட்டானார்.

சிறிது நேரத்தில், 8 பவுண்டரிகளுடன் 79 ரன்களுக்கு எடுத்திருந்த லட்சுமண் டிக்கலோ பந்துவீச்சில்ஆட்டமிழந்தார். அடுத்த வந்த கைப், டிராவிட் ஜோடி அதிரடி ஆட்டத்தை வெளிப்படுத்தியது. கடைசி 10ஓவர்களில் இவர்கள் 90 ரன்களைக் குவித்தனர். இறுதியில் இந்தியா 4 விக்கெட் இழப்புக்கு 290 ரன்கள் குவித்தது.

கைப் 49 ரன்களுடனும், டிராவிட் 30 ரன்களுடனும் அவுட்டாகாமல் இருந்தனர்.

அடுத்து களமிறங்கிய கென்ய அணி மளமளவென தனது விக்கெட்களை இழந்தது. ஒட்டியானோ (0), கேப்டன்ஸ்டீவ் டிக்கலோ(2), ஹிதேஷ் மோடி (5), ரவிந்துஷா (33), ஒடயோ (15), ரகீப் (0) என அடுத்தடுத்துஅவுட்டானார்கள். அடுத்து வந்த அவ்மா கொஞ்சம் பொறுப்புடன் ஆடி அதிகபட்சமாக 49 ரன்கள் எடுத்தார்.

இறுதியில் 50 ஓவர்களுக்கு 7 விக்கெட் இழப்புக்கு 192 ரன்கள் எடுத்து கென்யா தோல்வி அடைந்தது. இந்தியாதரப்பில் ஹர்பஜன் 3 விக்கெட்களையும், பதான் 2 விக்கெட்களையும் வீழ்த்தினர். ஆட்டநாயகனாக கங்குலி தேர்வுசெய்யப்பட்டார்.

இந்தப் போட்டியில் 2 ரன்கள் எடுத்தபோது, ஒருநாள் போட்டிகளில் அதிக ரன் எடுத்தவர்கள் பட்டியலில் கங்குலிமூன்றாவது இடத்திற்கு முன்னேறினார். இவர் 216 போட்டிகளில் 9,789 ரன்கள் எடுத்துள்ளார். இப்பட்டியலில்சச்சின் 339 போட்டிகளில் 13, 415 ரன்கள் எடுத்து முதலாவது இடத்திலும், இன்சமாம் உல் ஹக் 320 போட்டிகளில்9, 977 ரன்கள் எடுத்து இரண்டாவது இடத்திலும் உள்ளனர்.

இலங்கையின் ஜெயசூர்யா 9,700 ரன்களுடன் நான்காவது இடத்தில் உள்ளார்.

இத் தொடரில் வரும் 19ம் தேதி இந்தியா, பாகிஸ்தானை எதிர்த்து விளையாடுகிறது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X