For Daily Alerts
Just In
சூப்பர் மேன் ஹீரோ ரீவ் மரணம்
நியூயார்க்:
சூப்பர் மேன் படங்களில் நடித்து உலகப் புகழ் பெற்ற நடிகர் கிறிஸ்டோபர் ரீவ் (52) காலமானார்.
9 ஆண்டுகளுக்கு முன் குதிரைப் பந்தயப் போட்டியில் கலந்து கொண்டபோது குதிரையில் இருந்து கீழே விழுந்தார்.அதில் அவரது கழுத்து எழும்புகளும் முதுகுத் தண்டும் பாதிப்படைந்தன. இதையடுத்து சில மாதங்கள் செயற்கைமுறையில் சுவாசித்து வந்தார்.
முதுகுத்தண்டில் ஏற்பட்ட பாதிப்பு பின்னர் அவருக்கு பக்கவாதத்தையும் கொண்டு வந்தது. இதன் காரணமாக சக்கரநாற்காலியில் நடமாடி வந்தார்.
இந் நிலையில் சனிக்கிழமை அவருக்கு மாரடைப்பு ஏற்பட்டு, கோமா நிலையை அடைந்தார்.
மருத்துவமனையில் அனுமதிக்கப்பட்ட அவர் சிகிச்சை பலனளிக்காமல் மரணமடைந்தார். இத் தகவலை அவரதுசெய்தித் தொடர்பாளர் வெஸ்லி கோம்ஸ் தெரிவித்தார்.
இச் செய்தி உலகெங்கும் உள்ள அவரது ரசிகர்களை சோகத்தில் ஆழ்த்தியுள்ளது.
Comments
Story first published: Monday, October 11, 2004, 5:30 [IST]