இந்திய கிரிக்கெட் அணியில் தமிழக வீரர் ஸ்ரீராம்
மும்பை:
பாகிஸ்தானுக்கு எதிராக கொல்கத்தாவில் வரும் 13-ம் தேதி நடைபெறவிருக்கும் பவள விழா ஒரு தினக் கிரிக்கெட் போட்டியில்விளையாட தமிழக வீரர் ஸ்ரீதரன் ஸ்ரீராம் தேர்ந்தெடுக்கப்பட்டுள்ளார்.
இந்திய கிரிக்கெட் அணியின் தேர்வுக் குழு உறுப்பினர் ரத்னாகர் ஷெட்டி, பாகிஸ்தானுக்கு எதிராக விளையாடும் இந்திய அணிவீரர்களை நிருபர்களிடம் அறிவித்தார்.
அணி வீரர்கள் விவரம்: சேவாக், சச்சின், திராவிட், லக்ஷ்மண், கங்குலி, முகம்மது கைப், யுவ்ராஜ் சிங், ஸ்ரீதரன் ஸ்ரீராம், ஹர்பஜன்சிங், கும்ப்ளே, நெஹ்ரா, அகர்கர், ஜாகீர் கான், பதான், தினேஷ் கார்த்திக்.
ஸ்ரீராம் மகிழ்ச்சி:
28 வயதாகும் ஸ்ரீராம் 2000-ம் ஆண்டில் தென் ஆப்பிரிக்காவுக்கு எதிராக நாக்பூரில் நடைபெற்ற ஒருதினப் போட்டியில்அறிமுகம் ஆனார். இப்போது அணியில் மீண்டும் இடம்பெற்றிருப்பது குறித்து ஸ்ரீராம் கூறுகையில்,
இது எனக்கு மிகுந்த மகிழ்ச்சியளிக்கிறது. நல்ல முறையில் விளையாடி கிடைத்த வாய்ப்பை பயனுள்ளதாக்குவேன் என்றார்.