போப் ஜான் பால் உடல் நிலை பாதிப்பு
ரோம்:
போப் இரண்டாம் ஜான் பாலுக்கு (84) மூச்சுத் திணறல் மற்றும் தொண்டையில் வலி ஏற்பட்டது. இதையடுத்து அவர் மருத்துவமனையில்அனுமதிக்கப்பட்டுள்ளார்.
இது குறித்து வாடிகன் செய்தித் தொடர்பாளர் ஜாக்குவின் நவேரோ வால்ஷ் நிருபர்களிடம் கூறியதாவது:
முன்னெச்சரிக்கை காரணமாகவே போப் நேற்றிரவு ஜெமிலி மருத்துவமனையில் அனுமதிக்கப்பட்டார். அவர் அவசர சிகிச்சைப் பிரிவில்அனுமதிக்கப்படவில்லை. இதற்கு முன்பு உடல் நலக்குறைவு ஏற்பட்டபோது இதே மருத்துவமனையின் 10வது மாடியில் அவர் தங்கியிருந்தஅறையிலேயே இப்போதும் தங்க வைக்கப்பட்டுள்ளார்.
போப்புக்கு ப்ளூ காய்ச்சல், மூச்சுத்திணறல் மற்றும் தொண்டையில் வலி இருந்தது என்றார்.
போப் முன்னதாக பக்கவாதத்தினால் பாதிக்கப்பட்டபோது, அவரது முகத் தசைகள் பாதிக்கப்பட்டன. இதனால் அவர் எச்சில் விழுங்குவதில்சிரமம் ஏற்பட்டது. இப்போது அவருக்கு ஏற்பட்ட உடல்நலக் குறைவு தீவிரமானதா என்பது உடனடியாகத் தெரியவரவில்லை.