For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஜெ: 57வது பிறந்த நாள்- 57 கிலோ கேக்!

By Staff
Google Oneindia Tamil News

சென்னை:

முதல்வர் ஜெயலலிதாவின் பிறந்தநாளையொட்டி அ.தி.மு.க. தலைமைக் கழக அலுவலகத்தில் 57 கிலோ எடையுள்ள கேக் வெட்டி அ.தி.மு.க.வினர் கொண்டாடினர்.

தமிழக முதல்வர் ஜெயலலிதாவுக்கு இன்று 57வது பிறந்த நாள். இதையொட்டி தமிழகம் முழுவதும் அ.தி.மு.க.வினர், ஜெயலலிதாவின் பிறந்த நாளை சிறப்பாக கொண்டாடினர். சென்னை ராயப்பேட்டையில் உள்ள அ.தி.மு.க. தலைமைக் கழக அலுவலகத்தில் 57 கிலோ எடையுள்ள பிரமாண்ட கேக் வெட்டப்பட்டது.

கட்சியின் அமைப்புச் செயலாளர் கே.ஏ.செங்கோட்டையன் கேக்கை வெட்டி அமைச்சர்கள், நிர்வாகிகள், தொண்டர்களுக்கு வழங்கினார். பிறந்த நாள் விழா மலரை பொருளாளர் திண்டுக்கல் சீனிவாசன் வெளியிட ஓ.பன்னீர் செல்வம் பெற்றுக் கொண்டார்.

வட சென்னை, மத்திய சென்னை, தென் சென்னை மாவட்ட அ.தி.மு.க. சார்பில் பால்குடம் எடுப்பது, தீச் சட்டி ஏந்துவது, அன்னதானம் உள்ளிட்ட பல்வேறு நிகழ்ச்சிகளுக்கு ஏற்பாடு செய்யப்பட்டிருந்தது.

சென்னையில் உள்ள பல்வேறு கோவில்களில் ஜெயலலிதாவுக்காக சிறப்பு அபிஷேகங்கள், தேர் இழுத்தல் உள்ளிட்ட பல்வேறு வேண்டுதல் நிகழ்ச்சிகளும் நடந்தன.

ஆளுநர் வாழ்த்து: முதல்வர் ஜெயலலிதாவுக்கு ஆளுநர் எஸ்.எஸ்.பர்னாலா பிறந்த நாள் வாழ்த்துக்களைத் தெரிவித்தார். தொலைபேசியில் ஜெயலலிதாவுடன் பேசிய அவர் நீண்ட நலத்துடன் பல ஆண்டுகள் வாழ வேண்டும் என வாழ்த்தினார்.

இதேபோல, அமைச்சர்கள், எம்.பிக்கள், எம்.எல்.ஏக்கள், கட்சி நிர்வாகிகள், அரசுத் துறை செயலாளர்கள் உள்ளிட்டோரும் ஜெயலலிதாவுக்கு வாழ்த்து தெவித்தனர்.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X