தமிழகத்தில் ஓடும் 72 லட்சம் வாகனங்கள்
சென்னை:
தமிழகத்தில் 72,05,847 வாகனங்கள் ஓடுவதாக போக்குவரத்து அமைச்சர் விஸ்வநாதன் கூறியுள்ளார்.
சட்டசபையில் போக்குவரத்து துறை கொள்கை விளக்கக் குறிப்பை தாக்கல் செய்து அவர் பேசுகையில், கடந்த 8 ஆண்டுகளில்வாகனங்களின் எண்ணிக்கை 2 மடங்கு அதிகரித்துள்ளது.
1997-98ல் தமிழகத்தில் இருந்த வாகனங்களின் எண்ணிக்கை 36,14,248 ஆகும். தற்போது இது 72,05,847 ஆகஉயர்ந்துவிட்டது.
நாட்டிலேயே வாகனங்கள் அதிகம் உள்ள மாநிலங்கள் வரிசையில் மகாராஷ்டிராவுக்கு அடுத்த இடத்தை தமிழகம் பெற்றுள்ளது.வருடத்திற்கு 12 லட்சம் புதிய வாகனங்கள் பதிவு செய்யப்பட்டு வருகின்றன.
லாபத்தில் போக்குவரத்துக் கழகங்கள்:
அரசுப் போக்குவரத்துக் கழகங்கள் தொடர்ந்து இரண்டாவது ஆண்டாக லாபம் ஈட்டி வருகின்றன.
கடந்த ஆண்டு அரசுப் போக்குவரத்துக் கழகங்கள் ரூ. 2.38 கோடி அளவுக்கு லாபம் ஈட்டின.
இது 2004-05ல் ரூ. 14 கோடியாக இருக்கும் என்று எதிர்பார்க்கப்படுகிறது.
எரிபொருள் சேமிப்பு மூலம் ரூ. 42.7 கோடி மிச்சப்படுத்தப்பட்டுள்ளது. என்ஜின் ஆயில் சேமிப்பு மூலம் ரூ. 1.5 கோடிமிச்சமாகியுள்ளது என்றார் விஸ்வநாதன்.