• search
For Quick Alerts
ALLOW NOTIFICATIONS  
For Daily Alerts

இன்று கிரிக்கெட் கிளைமாக்ஸ்-சாம்பியன் யார்?

By Staff
|

பார்படோஸ்:9வது உலகக் கோப்பைக் கிரிக்கெட்டில் இன்று இறுதிப் போட்டி நடைபெறுகிறது. தொடர்ச்சியாக 3வது முறையாக கோப்பையை வெல்ல ஆஸ்திரேலியாவும், 2வது முறையாக சாம்பியன் ஆகும் வெறியில் இலங்கையும் இன்று கடும் போட்டிக்குத் தயாராகி வருகின்றன.

உலகக் கோப்பைக் கிரிக்கெட் போட்டியின் உச்ச கட்டம் நெருங்கி விட்டது. ஆரம்பம் முதலே அதகளமாக வென்று வரும் ஆஸ்திரேலியாவும், சவால்களை சமாளித்து இலங்கையும் இறுதிப் போட்டிக்குள் வந்துள்ளன.

ஆஸ்திரேலியா அணி வலுவானதாக இருந்தாலும், இலங்கை அணியிலும் சில வெடிகுண்டுகள் இருப்பதால் போட்டியின் முடிவை படு சுவாரஸ்யமாக உலக கிரிக்கெட் ரசிகர்கள் எதிர்பார்த்துக் கொண்டுள்ளனர்.

மாத்யூ ஹைடன், மைக்கேல் கிளார்க், ரிக்கி பாண்டிங், மெக்கிராத், ஷான் டெய்ட் என ஆஸ்திரேலிய அட்டாக் படு அசத்தலாக உள்ளது. மறுபக்கம் இலங்கையில் முரளீதரன், மலிங்கா, ஜெயசூர்யா, வாஸ், சமரசில்வா, ஜெயவர்த்தனே என இலங்கையும் தெளிவாகவே உள்ளது.

Ponting with Jayawardene

இரு அணிகளின் நோக்கமும் அசத்தல் வெற்றி என்பதால் ஆட்டம் படு காட்டமாக இருக்கும் என்பதில் சந்தேகம் இல்லை.

இரு அணிகள் குறித்த ஒரு அலசல் ...

தர வரிசையில் ஆஸ்திரேலியா முதலிடத்திலும், இலங்கை நான்காவது இடத்திலும் உள்ளன.

இரு அணிகளும் இதுவரை 63 ஒரு நாள் போட்டிகளில் விளையாடியுள்ளன. அதில் ஆஸ்திரேலியாவுக்கு 42 வெற்றிகளும், இலங்கைக்கு 19 வெற்றிகளும் கிடைத்துள்ளன.

உலகக் கோப்பையில் இரு அணிகளும் 6 போட்டிகளில் சந்தித்துள்ளன. ஐந்தில் ஆஸ்திரேலியாவும், ஒன்றில் இலங்கையும் வென்றுள்ளன.

நடப்பு உலகக் கோப்பைப் போட்டியில் ஆஸ்திரேலியா லீக் சுற்றில், ஸ்காட்லாந்து, நெதர்லநாது, தென் ஆப்பிரிக்கா ஆகிய அணிகளையும், சூப்பர் 8 சுற்றில், மேற்கு இந்தியத் தீவுகள், வங்கதேசம், இங்கிலாந்து, அயர்லாந்து, இலங்கை, நியூசிலாந்து, அரை இறுதியில் தென் ஆப்பிரிக்காவையும் வீழ்த்தி அட்டகாசமாக இறுதிக்குள் நுழைந்துள்ளது.

இலங்கை லீக் சுற்றில், பெர்முடா, வங்கதேசம், இந்தியாவையும், சூப்பர் எட்டு சுற்றில் மேற்கு இந்தியத் தீவுகள், இங்கிலாந்து, நியூசிலாந்து, அயர்லாந்து அணிகளை வீழ்த்தியும், தென் ஆப்பிரிக்கா, ஆஸ்திரேலியாவிடம் தோற்றும், அரை இறுதியில், நியூசிலாந்தை வீழ்த்தியும் இறுதிப் போட்டிக்குள் நுழைந்துள்ளது.

2007- உலகக் கோப்பையில் ஆஸ்திரேலியாவின் டாப் ஸ்கோர்:

தென் ஆப்பிரிக்காவுக்கு எதிரான போட்டியில் 6 விக்கெட் இழப்புக்கு 377 ரன்கள் எடுத்ததே அதிகபட்ச ஸ்கோர்.

பெரிய அளவிலான வெற்றி - நெதர்லாந்தை 229 ரன்களில் வீழ்த்தியது.

வங்கதேசத்தை 10 விக்கெட் வித்தியாசத்தில் வீழ்த்தியது.

அதிக ரன்கள் எடுத்தவர் - மாத்யூ ஹைடன் (621).

அதிக விக்கெட்டுகள் - மெக்கிராத் (25).

இலங்கையின் டாப் ஸ்கோர்:

அதிகபட்ச டோட்டல் - பெர்முடாவுக்கு எதிராக 321 ரன்கள் எடுத்தது.

பெரிய வெற்றி - பெர்முடாவை 243 ரன்களில் வீழ்த்தியது.

அதிக ரன்கள் எடுத்தவர் - ஜெயவர்த்தனே (529).

அதிக விக்கெட்டுகள் - முத்தையா முரளீதரன் (23).

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more