கிடுகிடு வளர்ச்சியில் காக்னிசன்ட்
நியூயார்க்:உலக அளவில் வேகமாக வளரும் 100 நிறுவனங்களின் பட்டியலில் காக்னிசன்ட் டெக்னாலஜி மற்றும் எக்ஸ்எல் சர்வீஸ் ஆகிய இரு நிறுவனங்களும் இடம் பெற்றுள்ளன.
அமெரிக்காவின் பிசினஸ் வீக் இதழ் வெளியிட்டுள்ள கட்டுரையில் இது தெரிவிக்கப்பட்டுள்ளது.
100 நிறுவனங்களில் மொத்தம் பத்து சாப்ட்வேர் நிறுவனங்கள் இடம் பெற்றுள்ளன. அவற்றில் முக்கியமானவை காக்னிசன்ட் மற்றும் எக்ஸ்எல் சர்வீஸ் ஆகியவை.
அமெரிக்காவைத் தலைமையிடமாகக் கொண்ட காக்னிசன்ட் நிறுவனம் இந்தியாவில்தான் அதிக அளவிலான ஊழியர்களையும், பணியையும் கொண்டுள்ளது. இந்த நிறுவனத்தின் மொத்த ஊழியர்களில் 75 சதவீதம் பேர் இந்தியாவில்தான் உள்ளனர்.
காக்னிசன்ட் நிறுவனம் தொடர்ந்து நல்ல வளர்ச்சியைக் கண்டு வருவதாக பிசினஸ் வீக் கூறியுள்ளது. இந்திய அளவில் ஐந்தாவது பெரிய சாப்ட்வேர் நிறுவனமாகவும் காக்னிசன்ட் திகழ்கிறது. இதன் ஊழியர்கள் எண்ணிக்கை 43 ஆயிரம் ஆகும்.
இந்த ஆண்டின் முதல் காலிறுதியில், நிறுவனத்தின் வருவாய் 61 சதவீதம் உயர்ந்து 460 மில்லியன் டாலராக இருந்தது.
100 நிறுவனங்களின் பட்டியலில் காக்னிசன்ட் நிறுவனத்திற்கு 15வது இடம் கிடைத்துள்ளது. எக்ஸ்எல் சர்வீஸ் நிறுவனத்துக்கு 57வது இடம் கிடைத்துள்ளது.
இந்தப் பட்டியலில் ஹீலீஸ் நிறுவனம் முதலிடத்தில் உள்ளது. குழந்தைகளுக்கான ஸ்கேட்டிங் கருவிகளில் பயன