யுஏஇ ராணுவ ஒத்துழைப்புக்கு பிரணாப் பேச்சு
அபுதாபி: ராணுவ ஒத்துழைப்பு தொடர்பாக ஐக்கிய அரபு எமிரேட் நாட்டுடன் இந்திய வெளியுறவு அமைச்சர் பிரணாப் பேச்சு வார்த்தை நடத்தினார்.
இந்திய வெளியுறவு அமைச்சர் பிரணாப் முகர்ஜி 3 நாள் பயணமாக கடந்த 12ம் தேதி ஐக்கிய அரபு எமிரேட்டுக்கு சென்றுள்ளார். பொருளாதாரம், இருதரப்பு வர்த்தகம் தொடர்பாக இருநாட்டுக்கிடையே நடைபெற்று வரும் பேச்சுவார்த்தை தொடர்பாக அவர் ஐக்கிய அரபு அமீரகம் வந்தார் பிரணாப் முகர்ஜி.
ஐக்கிய அரபு எமிரேட் நாட்டின் வெளியுறவு அமைச்சர் ஷேக் அப்துல்லா பின் சயீத் அல் நஹ்யானுடன் பிரணாப் பேச்சு வார்த்தை நடத்தினார். லெபனான் அரசியல் நிலவரம், மத்திய கிழக்கு நாடுகளின் அமைதியை ஏற்படுத்தவது, இராக் அரசியல், ஈரான் நாட்டின் அணுசக்தி ஒப்பந்தம், ராணுவ ஒத்துழைப்பு ஆகியவை குறித்து விவாதித்தாக தெரிகிறது.
கடந்த பல ஆண்டுகளில் இந்திய வெளியுறவு அமைச்சர் ஐக்கிய அரபு எமிரேட் நாட்டுக்கு செல்வது இதுவே முதல் முறையாகும்.