For Quick Alerts
ALLOW NOTIFICATIONS  
For Daily Alerts
Just In
Oneindia App Download

ஐஏஇஏவுடன் விவாதம்-வியன்னா செல்கிறார் மேனன்

By Staff
Google Oneindia Tamil News

Shivshankar Menon
டெல்லி: இந்திய-அமெரிக்க அணு ஒப்பந்தம் தொடர்பாக சர்வதேச அணு சக்திக் கழகத்துடன் (IAEA) பாதுகாப்பு உடன்பாடுகளை (Safeguards Agreement) செய்து கொள்வது தொடர்பாக விவாதிக்க வரும் 18ம் தேதி இந்திய வெளியுறவுத்துறைச் செயலாளர் சிவசங்கர் மேனன் ஆஸ்திரிய தலைநகர் வியன்னா செல்கிறார்.

வியன்னாவில் தான் ஐஏஇஏவின் தலைமையகம் உள்ளது.

வரும் ஆகஸ்ட் மாதம் இந்தியாவுடனான இந்த உடன்பாடு குறித்து ஐஏஇஏவின் இயக்குனர்கள் முடிவெடுக்கவுள்ளது. இந்த உடன்பாட்டை இறுதி செய்வது தொடர்பாக இந்தியாவும் ஐஏஇஏவும் சில முக்கிய விவகாரங்கள் குறித்து பேச வேண்டியுள்ளது.

குறிப்பாக இந்தியாவின் எந்தெந்த அணு உலைகள் மின் உற்பத்திக்கானவை, எவை அணு ஆயுத உற்பத்திக்கானவை, ஐஏஇஏவின் கண்காணிப்பின் கீழ் வரப் போகும் உலைகள் எவை என்பது குறித்து இரு தரப்பும் இறுதி செய்ய வேண்டியுள்ளது.

ஐஏஇஏவின் இயக்குனர்கள் குழு முறையாகக் கூடி இந்த அம்சங்கள் குறித்து விவாதி்க்கும் முன் அவர்களிடம் இந்தியா இந்த ஒப்பந்தம் குறித்து விளக்க வேண்டியுள்ளது. இதற்காக வரும் 18ம் தேதி இயக்குனர்கள் குழு கூடுகிறது.

அப்போது இந்தியாவின் சார்பில் வெளியுறவுத்துறைச் செயலாளர் மேனன் இக் கூட்டத்தில் பங்கேற்று விளக்கமளிக்கவுள்ளார். மேலும் சில முக்கிய இந்திய அணு விஞ்ஞானிகளும் இக் கூட்டத்தில் பங்கேற்பர் எனத் தெரிகிறது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X