4 புதிய விமான சேவையை தொடங்கும் இண்டிகோ
டெல்லி: இண்டிகோ விமான நிறுவனம் தனது சேவையை விரிவுபடுத்தியுள்ளது. சென்னை, புனே மற்றும் கொல்கத்தா இடையே 4 புதிய விமான சேவையை அது தொடங்கவுள்ளது.
இதுகுறித்து அந்நிறுவன முதன்மை செயல் அலுவலர் ப்ரூஸ் அஷ்பை கூறுகையில், எங்களின் விமான சேவை வழித்தடங்களை விரிவாக்கம் செய்ய திட்டமிட்டுள்ளோம். அதன்படி புனே - சென்னைக்கு புதிய விமான போக்குவரத்து நாளை தொடங்கப்படும். இதன் இணைப்பு விமானம் கொல்கத்தாவுக்கு இயக்கப்படும்.
இதன் மூலம் இண்டிகோவின் சேவையைப் பெறும் நிறுவனங்களின் எண்ணிக்கை 17 ஆக உயருகிறது. தினசரி மொத்தம் 99 விமான சேவையாக அதிகரித்துள்ளது.
2010க்குள் 30 நகரங்களுக்கு சேவை நீட்டிக்கப்படும். விமானங்களின் எண்ணிக்கையும் 40 ஆக அதிகரிக்கும் என்றார் அவர்.
புதிய விமான சேவை விபரம்:
6E524 எண் விமானம் - புனேவில் இருந்து இரவு 9.10 மணிக்கு புறப்பட்டு 11 மணிக்கு சென்னை சென்றடையும்.
6E523 எண் விமானம் - சென்னையில் இருந்து காலை 8.30க்கு புறப்பட்டு கொல்கத்தாவுக்கு 10.45 மணிக்கு சென்றடையும்.
6E523 எண் விமானம் - புனேவில் காலை 5.55 மணிக்கு புறப்பட்டு சென்னையை 7.35க்கு வந்தடையும்.
6E523 எண் விமானம் - புனேயில் காலை 5.55 மணிக்கு புறப்பட்டு சென்னை வழியாக கொல்கத்தாவை 10.45 மணிக்கு சென்றடையும்.
6E524 எண் விமானம் - மாலை 6.35 மணிக்கு கொல்கத்தாவில் புறப்பட்டு சென்னையை 10.35 மணிக்கு வந்தடையும்.
6E524 எண் விமானம் - மாலை 6.35 மணிக்கு கொல்கத்தாவில் புறப்பட்டு புனே வழியாக சென்னையை 11 மணிக்கு வந்தடையும்.