• search
For Quick Alerts
ALLOW NOTIFICATIONS  
For Daily Alerts

இந்தியத் தொழில் வளர்ச்சி 1.3 சதவிகிதமாக சரிவு!

By Staff
|

டெல்லி: சர்வதேச பொருளாதார நெருக்கடி நாட்டின் சகல மட்டத்திலும் கடும் பாதிப்புகளை ஏற்படுத்தியுள்ளது.

இந்திய தொழில்துறையின் மாதாந்திர வளர்ச்சி கணக்கெடுப்பின்படி, கடந்த ஆண்டு ஆகஸ்ட் மாதம் தொழில் வளர்ச்சி 10.9 சதவிகிதமாக இருந்தது. ஆனால் இந்த ஆண்டு ஆகஸ்டில் இது அப்படியே தலை கீழாகி 1.3 சதவிகிதமாகக் குறைந்துள்ளது!

உற்பத்தி சார்ந்த தொழில்களின் வளர்ச்சி பல்வேறு காரணங்களால் 10.7 சதவிகிதத்திலிருந்து 1.1 சதவிகிதமாகக் குறைந்துள்ளது.

உள்கட்டமைப்புத் துறையிலும் இதே நிலைதான். கடந்த ஆண்டு ஆகஸ்டில் இத்துறையின் வளர்ச்சி 9.5 சதவிதமாக இருந்த்து. அதுவே இந்த ஆண்டு ஆகஸ்டில் 2.3 சதவிகிதமாக உள்ளது.

கடந்த ஏப்ரல் தொடங்கி ஆகஸ்ட் வரையிலான 5 மாத காலத்தில் ஒட்டுமொத்த வளர்ச்சி 10 சதவிகிதத்திலிருந்து 4.9 சதவிகிதமாக்க் குறைந்துள்ளது.

இந்த ஆண்டு தொழில் வளர்ச்சி இலக்கு 10 சதவிகிதமாக நிர்ணயிக்கப்பட்டது. பொருளாதர வளர்ச்சி 8 சதவிகிதமாக நிர்ணயிக்கப்பட்டது.

இதே நிலை தொடர்ந்தால் ஆண்டு இறுதிக்குள் இந்த இலக்குகளில் பாதியளவைக் கூட எட்டிப் பிடிக்க முடியுமா என்ற சந்தேகம் எழுந்துள்ளது.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X