• search
For Quick Alerts
ALLOW NOTIFICATIONS  
For Daily Alerts
Just In

போர்ட், மாருதி, ஹூண்டாய் கார் விலைகள் குறைப்பு

By Staff
|

Ford Fiesta 1.4EXi
மும்பை: நிதி நெருக்கடி காரணமாக பல நெகடிவ் செய்திகள் வந்தாலும், மக்களுக்கு சற்றே மகிழ்ச்சி தரும் செய்தியும் ஒன்றுண்டு. அது கார்களின் விலைக் குறைப்பு.

பிரபலமான கார் தயாரிப்பு நிறுவனங்கள் ஃபோர்டு, ஹூண்டாய், மாருதி, டாடா மோட்டார்ஸ் மற்றும் ஜெனரல் மோட்டார்ஸ் போன்றவை தங்களின் பிரபல பிராண்டுகளின் விலையைக் கணிசமாகக் குறைத்துள்ளன .

குறைப்பாக ஃபோர்டு நிறுவனம் தனது பியஸ்டா 1.6 இஎக்ஸ் ஐ ரக கார்களுக்கு ரூ.91 ஆயிரம் வரை விலையைக் குறைத்துள்ளதாக அறிவித்துள்ளது. அதன்படி இதுவரை ரூ.6.20 லட்சமாக இருந்த இந்தக் கார்கள் இப்போது ரூ.5.29 லட்சத்துக்கு விற்கப்படுகின்றன. ஆனால் இந்தக் குறைப்பு பெட்ரோலில் ஓடும் பியஸ்டா கார்களுக்கு மட்டும்தான் பொருந்தும். டீஸல் கார்களுக்கு ரூ.51 வரை விலைக் குறைக்கப்பட்டுள்ளது.

ஹூண்டாயும் தனது சாண்ட்ரோ ஜிஎல் (ரூ.24 ஆயிரம்), அசெண்ட் (12,000), வெர்னா (ரூ.24 ஆயிரம் மற்றும் 12,000) கார்களுக்கு விலைக்குறைப்பை அறிவித்துள்ளது (குறைக்கப்பட்ட தொகை அடைப்புக் குறிக்குள்).

மாருதி நிறுவனம் தனது வேகன் ஆர் ரக கார்களுக்கு ரூ.35 ஆயிரம் விலை குறைத்துள்ளது. ஆல்டோவுக்கு ரூ.15 ஆயிரம் குறைக்கப்பட்டுள்ளது. ஸ்விப்ட் டிசைர் ரக கார்களுக்கும் விலைக் குறைக்கப்பட்டுள்ளது. ஆனால் எவ்வளவு என்பது அறிவிக்கப்படவில்லை.

டாடா நிறுவனம் தனது இண்டிகா ரக கார்களுக்கு ரூ.30 ஆயிரமும், இண்டிகோ எக்ஸல் சிஎஸ் ரகத்துக்கு ரூ.40 ஆயிரமும், சுமோவுக்கு ரூ.65 ஆயிரமும் குறைக்கப்பட்டுள்ளது.

ஜெனரல் மோட்டார்ஸின் ஸ்பார்க் மற்றும் ஏவியோ ரக கார்களுக்கு முறையே ரூ.58 ஆயிரமும், ரூ.53 ஆயிரமும் குறைக்கப்பட்டுள்ளது.

மற்ற கார் நிறுவனங்களும் விலைக் குறைப்பை அறிவிக்க உள்ளன.

ஒரு பக்கம் பெட்ரோல், டீஸல் விலைக் குறைப்பு, அடுத்த நாளே கார் விலைக் குறைப்பு என மக்களுக்கு அடுத்தடுத்து இன்ப அதிர்ச்சி கிடைத்து வந்தாலும், பறிக்கப்படும் வேலைவாய்ப்புகள் மற்றும் வட்டி விகித அதிகரிப்பு போன்றவை அந்த மகிழ்ச்சியை அர்த்தமில்லாமல் செய்து வருகின்றன.

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X